Таныш булыгыз, Түбән Кама хастаханәсенең яңа яшь белгече

2025 елның 3 октябре, җомга

Сорбон Абдуалим Ижау дәүләт медицина академиясен тәмамлаган, ә ординатураны кардиология буенча узган. Яшь белгечнең бөтен гаиләсе табиблар: әтисе инфекционист, әнисе фармацевт, ике абыйсы һәм апасы шулай ук үз тормышларын медицина белән бәйләгәннәр.

Таҗикстанда туып үскән егет туганнарыннан еракта яшәргә күнеккән инде. "Өйгә кайтканда эшемне сагынам. Әмма туганнар белән, әлбәттә, рәхәтләнеп күрешәбез».

Түбән Камага күчеп килгәнче яшь белгеч ел ярым Ижауның республика кардиодиспансерында хезмәт иткән. Аның остазы Ольга Ивановна Краснова була, ул хәзер Түбән Кама үзәк район күппрофильле хастаханәсенең кардиология бүлеген җитәкли. Нәкъ менә ул үз укучысын командага кушылырга чакырган, һәм Сорбон Абдуалим бу тәкъдимне кызыксынып кабул иткән.