Азнакай район үзәк хастаханәсендә медицина хезмәткәрләре конференциясе узды
Ел саен 10 октябрьдә Бөтендөнья психик сәламәтлек көне билгеләп үтелә.
Конференцияне ачып, медицина профилактикасы кабинеты мөдире Мурадымова Л.И. билгеләп үтте: ВОЗ билгеләве буенча, психик сәламәтлек – ул кешеләргә тормыштагы стресслы хәлләрне җиңәргә, үз потенциалын тормышка ашырырга, уңышлы укырга һәм эшләргә, шулай ук җәмгыять тормышына өлеш кертергә мөмкинлек бирә торган психик иминлек халәте.
Психик сәламәтлеге бозылган яки психик иминлек дәрәҗәсе түбән булган затларга белгечкә мөрәҗәгать итәргә кирәк.
Психиатр-нарколог Исламгулов Илдар Азамат улы конференция вакытында психик сәламәтлеккә йогынты ясый торган төрле индивидуаль психологик һәм биологик факторлар, бозылган пациентларны диспансер күзәтү үзенчәлекләре турында сөйләде.
Табиб психиатр-нарколог психоактив матдәләр куллану, алкоголь һәм аның суррогатларын артык куллану, шулай ук бүген яшьләр арасында популяр булган электрон сигарет һәм вейплар куллану кебек куркыныч факторларга җентекләп тукталды.
Ул ассызыклаганча, начар гадәтләр кешенең психик сәламәтлегенә тормышның барлык этапларында да йогынты ясый, әмма аеруча җитди тискәре нәтиҗәләр балалар һәм яшүсмерләрдә барлыкка килә. Монда да сәламәт яшәү рәвешен пропагандалау, начар гадәтләрдән баш тарту, дөрес туклану, сәламәт йокы һәм физик активлык зур роль уйный.
Авылның медицина хезмәткәрләре белгечкә психик тайпылышларны профилактикалау, диагностикалауның һәм дәвалауның яңа ысуллары турында актуаль сораулар бирделәр. Конференцияне тәмамлап, Илдар Азаматович психик сәламәтлекне ныгыту буенча берничә киңәш бирде.