Татарстанның РКХ гематологлары Төркиядә бер атналык стажировка үтте

2025 елның 20 октябре, дүшәмбе

Татарстанның Республика клиник хастаханәсе табиблары Төркиядә стажировка үтү өчен «Алгарыш» республика грантын оттылар.

Гематология бүлеге мөдире, Татарстан Сәламәтлек саклау министрлыгының штаттан тыш баш гематологы Михаил Кунст, табиб-гематолог Рамилә Гатина һәм рентгенолог Илнар Гатин Истанбулның миелома вакытында сөяк мие трансплантациясендә махсуслашкан әйдәүче медицина үзәкләрендә бер атна стажировка үттеләр.

"Без ACIBADEM халыкара клиникалар челтәрендә стажировка уздык, аларның әйдәүче белгечләре белән очраштык. Гомумән алганда, бездә дәвалау беркетмәләре бертөрле, аерма бары тик технологик планда – җиһазларда гына", - диде Рамилә Гатина.