Тәмәке тартучыларның үпкә яман шеше үсеше куркынычы 10 ел баш тартудан соң 70% ка кадәр кими
3-9 ноябрьдә үпкә яман шешен профилактикалау Бөтенроссия атналыгы кысаларында «Республика клиник тире-венерология диспансеры» ДАССУның медицина профилактикасы бүлеге мөдире Елена Төхвәтуллина әлеге материалны әзерләде. Ел саен бөтен дөньяда үпкә яман шеше белән авыруның ике миллионга кадәр очрагы теркәлә.
Авыручыларның төп төркемен озак вакыт тәмәке тартучы ир-атлар тәшкил итә (70%). Тәмәке эшләнмәләрендә меңләгән агулы матдәләр бар. 1 тәмәке тарту вакытында кеше организмына 3 меңгә якын төрле кушылма эләгә, сәламәтлек өчен иң куркыныч дип никотин, углерод оксиды, цианистлы водород, сумала, ирекле радикаллар санала. Бу озак вакыт дәвамында булганда, сулыш органнарына йогынты ясап, тәмәке тартуны иң көчле агу эләгү белән бер дәрәҗәгә куярга мөмкин.
Элеккеге тәмәке тартучылар элеккечә үпкә яман шеше үсеше куркынычына дучар, әмма тәмәке тартудан баш тарту бу куркынычны шактый киметергә мөмкин. Тәмәке тартудан баш тартуның 10 елы дәвамында үпкә яман шеше үсеше куркынычы 60-70% ка кадәр кими.