Чирмешән район үзәк хастаханәсенә берьюлы берничә яңа табиб килде

2025 елның 5 ноябре, чәршәмбе

Чирмешән район үзәк хастаханәсе коллективы яңа кадрлар белән тулыланды.

2025 ел башыннан үзәк район хастаханәсенә 6 табиб-белгеч эшкә урнашты: ике табиб-педиатр, ике табиб-терапевт, табиб-хирург һәм табиб-акушер-гинеколог.  

Бүгенге көндә кадрлар составы йөз процентка диярлек тупланган.

Якын арада табиб-отоларинголог (лор), табиб-эпидемиологның эшкә урнаштырылуы көтелә.

Яшь табибларның район больницаларында эш сайлавы сөендерә.

Исегезгә төшерәбез, Татарстан Республикасында яшь табибларга ярдәм итүнең «Дәвамлы һәм актив тормыш» илкүләм проектының «Медицина кадрлары» төбәк программасы эшли.