Казан Идел буе федераль округының әйдәп баручы дерматовенерологларын һәм косметологларын каршы алачак
13-14 ноябрьдә Казанда Идел буе федераль округы дерматовенерологларының һәм косметологларының XV фәнни-гамәли конференциясе узачак.
Конференциянең фәнни программасында дерматовенерология һәм косметологиянең актуаль мәсьәләләре турында фикер алышу планлаштырыла, дерматовенерологларның һәм косметологларның әйдәп баручы белгечләренең пленар докладлары, секцион утырышлар һәм сателлит симпозиумнар, түгәрәк өстәлләр һәм практикумнар уздырылачак.
Конференция узган көннәрдә дару препаратлары, медицина җиһазлары, косметика әйберләре, эстетик һәм картлыкка каршы медицинада кулланыла торган чараларның махсуслаштырылган күргәзмәсе узачак.
Фәнни-гамәли конференция барышында дерматовенерология буенча баш белгечләр катнашында түгәрәк өстәл планлаштырылган, анда дерматовенерология хезмәтенең белгечлек өчен актуаль оештыру мәсьәләләре каралачак һәм югары технологияле медицина ярдәме күрсәтү, пациентларның аерым категорияләрен югары технологияле медицина ярдәме күрсәтү вакытында алып бару үзенчәлекләре буенча тәҗрибә уртаклашу үткәреләчәк.
Катнашучыларның планлаштырылган саны – 350 кеше. Конференциядә Россия Федерациясе төбәкләренең тире-венерология диспансерлары җитәкчеләре, дерматовенерология кафедралары җитәкчеләре һәм хезмәткәрләре, гамәли табиб-дерматовенерологлары катнашачак.
Үткәрү урыны: «Ривьера кунакханәсе», Казан, Фатыйх Әмирхан ур., 1а
13, 14 ноябрьдә 9:00 сәгатьтән «Ривьера кунакханәсе» холлында теркәлү башлана – конференциянең оештыру комитеты стенды.