5 нче шәһәр хастаханәсе Дәүләт автоинспекциясе бүлеге һәм Чаллы медицина көллияте белән берлектә юл-транспорт һәлакәтләрендә кешеләрнең һәлак булуларын булдырмау буенча чара үткәрде
Россиядә юл-транспорт һәлакәте корбаннарын искә алу атнасы уза. Ул юл һәлакәтләрендә һәлак булганнарга гына багышланмый, аның төп максаты - яңа аварияләрне булдырмауга ярдәм итү.
Россия ЭЭМның Яр Чаллы шәһәре буенча Дәүләт автоинспекциясе бүлеге 5 нче шәһәр хастаханәсе һәм Яр Чаллы медицина көллияте белән берлектә яшьләрнең игътибарын әлеге мөһим темага җәлеп итү максатында студентлар белән очрашу оештырды.
ЮХИДИ пропаганда бүлеге өлкән инспекторы Рузил Заһидуллин үзенең чыгышында 2025 ел башыннан бирле безнең шәһәрдә 12 кешенең һәлак булуы турында сөйләде. Татарстанда 10 айда – 239 кеше, шуларның 11е – 16 яшькә кадәрге балалар. Рузил Римович юл-транспорт һәлакәте урыннарыннан видеокадрлар күрсәтте. Машина йөртүчеләр, җәяүлеләр, самокатчылар, велосипедчылар, питбайкерларның юл хәрәкәте кагыйдәләрен төгәл үтәү зарурлыгын билгеләп үтте – бу һәр кешенең үз тормышы өчен генә түгел, ә янәшәдәге башка кешеләр өчен дә җаваплылыгы.
5 нче шәһәр хастаханәсенең офтальмология бүлеге мөдире Айзат Тимиров Чаллыда яшәүчеләрнең җәрәхәтләре турында презентация белән чыгыш ясады.
- Һәрберебезне саклый алырлык саклаучы факторлар бар. Барыннан да элек бу тизлек режимын саклау, куркынычсызлык каешларын һәм балалар утыргычларын куллану, юл чатларын һәм юлларны дөрес чыгу, - дип ассызыклады Айзат Фнунович. - Телефоннарга игътибарны юнәлтмәү аеруча мөһим - бу юл-транспорт һәлакәтендә җәрәхәтләр алуны булдырмауның иң яхшы чарасы.
.jpeg)