Яр Чаллыда кардиологлар һәм терапевтларның республика мәктәбе
Шимбә көнне Яр Чаллы шәһәренең Ашыгыч медицина ярдәме хастаханәсендә Республика кардиологлар һәм терапевтлар мәктәбе узды. Анда автоградтан һәм республика районнарыннан 156 тыңлаучы катнашты.
Докладчылар:
- Альберт Галявич, Идел буе федераль округының штаттан тыш баш кардиологы, профессор, КДМУның кардиология кафедрасы мөдире, Төбәкара клиник-диагностика үзәгенең кардиология юнәлеше җитәкчесе;
- Зөлфия Ким, ТР ССМ штаттан тыш баш кардиологы, КДМУ кардиология кафедрасы профессоры, М.Н. Садыйков ис. 7 нче Шәһәр клиник хастаханәсе баш табибы урынбасары;
- Люция Фәйсханова, ТР Сәламәтлек саклау министрлыгының медицина профилактикасы буенча штаттан тыш баш белгече, КДМУның госпиталь терапиясе кафедрасы доценты;
- Светлана Якупова, ТР ССМ штаттан тыш баш ревматологы, КДМУның госпиталь терапиясе кафедрасы доценты;
- Лариса Балеева, КДМУның кардиология кафедрасы доценты;
- Луиза Бареева, Республика клиник хастаханәсенең эндокринология бүлеге мөдире;
- Зөлфия Галиева, КДМУның кардиология кафедрасы доценты.
Хезмәттәшләр клиник очраклар, йөрәк-кан тамырлары һәм башка авыруларны диагностикалау һәм дәвалау турында фикер алыштылар.
