Балалар республика клиник хастаханәсенең яшь пациентлары өчен «Рубин» ФК медиа лига уенчылары белән берлектә имбир прәннекләрне пешерү буенча кулинар мастер-класс
Кичә «Рубин» ФК медиа лига уенчылары талантлы кондитер Люция Вафина белән «Гаилә бергә» фондының уңайлы гаилә йортында Балалар республика хастаханәсеннән кечкенә пациентлар өчен кулинар мастер-класс оештырдылар.
Бу көнне «Йорттан ерак йортта» «Рубин» футболчылары бергәләп кулинар шедеврлар булдыру өчен дәваланучы балалар белән очраштылар. Люция Вафина җитәкчелегендә алар искиткеч прәннекләр әзерләгәннәр. Барлык катнашучылар, балаларны, аларның ата-аналарын һәм футболчыларны да кертеп, мавыгып камырны җәйделәр һәм камырдан төрле фигуралар кисеп ясадылар.
.jpg)
Хуш исле десертлар духовкада пешкән арада, балалар медиа лига спортчылары белән иркен шартларда аралаша һәм үзләрен кызыксындырган сорауларны бирә алдылар. Егор Тутаев һәм Альберт Бәширов профессиональ медиа футболчының тормыш үзенчәлекләре белән уртаклаштылар һәм «Рубин» футбол клубына ничек эләгү мөмкинлеге турында сөйләделәр.
«Мин футболны кечкенәдән, ишегалдында, өйдә, кайда гына мөмкин булса, шунда уйный башладым. Әти-әнием моны шунда ук сизеп алды һәм мине спорт мәктәбенә бирде, мин футбол белән шөгыльләнә башладым», – дип уртаклашты Альберт Бәширов, яшь тыңлаучыларда кызыксыну уятып.
Егор Тутаев үзенең казанышлары турында сөйләде: «Минем иң әһәмиятле бүләгем – халыкара турнирда өченче урын, Россия чемпионатында көмеш медаль. Шулай ук минем шәхси бүләкләрем бар, мәсәлән, Татарстан беренчелегенең иң яхшы бомбардиры»