Әлмәт район үзәк хастаханәсендә махсус хәрби операциядә катнашучыларның әниләрен котладылар

2025 елның 27 ноябре, пәнҗешәмбе

Бүген Әлмәт үзәк район хастаханәсендә «За СВОих» волонтерлар штабы, офицер хатыннары берлеге һәм ветераннар советы вәкилләре хирургия һәм неврология бүлекләрендә дәваланучы хәрбиләрнең әниләрен якынлашып килүче Әниләр көне белән котладылар.

Акциягә шулай ук медицина учреждениесе хезмәткәрләре дә кушылды.

Чара кысаларында махсус хәрби операциядә катнашучыларның әниләренә рәхмәт хатлары, чәчәк бәйләмнәре һәм бүләкләр тапшырылды.

Ә хатын-кызларга әйтелгән ихлас һәм җылы сүзләр аеруча кыйммәткә ия.