Альмир Абашев «Медицинада куркынычсызлык» белем бирү программасын һәм Кадрлар резервы мәктәбен тәмамлаучылар белән очрашты.
Бүген Татарстан Сәламәтлек саклау министрлыгында Татарстан Республикасы сәламәтлек саклау министры Альмир Абашев «Медицинада куркынычсызлык» белем бирү программасын һәм Татарстан Республикасы Сәламәтлек саклау министрлыгының Кадрлар резервы мәктәбен тәмамлаучылар белән очрашты.
Сәламәтлек саклау белгечләренә өстәмә һөнәри белем бирүне үстерүнең бишьеллык программасы республика сәламәтлек саклау кадрлар резервын формалаштыру, үстерү һәм гамәлгә ашыру өчен Рәис Рөстәм Нургали улы Миңнеханов кушуы буенча эшләнгән.
Программаның максаты – медицина ярдәме күрсәтүнең өч дәрәҗәле системасының сыйфаты һәм иминлеге белән идарә итү системасын камилләштерү. Укыту процессының структурасы сыйфат һәм куркынычсызлык принципларын, шулай ук медицинада кыйммәтләр үзәге буларак кешегә юнәлтелгәнлекне аерып торучы белгечләргә һәм җитәкчеләргә юнәлдерелгән.