Яшьләр өчен репродуктив сәламәтлекнең әһәмияте турында семинар
Республика җәмәгать сәламәтлеге һәм медицина профилактикасы үзәге «Яшьләрнең иртә йөкле булуларына һәм репродуктив сәламәтлеккә йогынты ясый торган психологик һәм башка куркыныч факторлары» темасына семинар оештырды һәм уздырды.
Әлеге теманы һәрьяклап яктырту өчен Казан шәһәренең «М. Н. Садыйков исемендәге 7 нче шәһәр клиник хастаханәсе» ДАССУның 3 нче хатын-кызлар консультациясе белгечләре: 3 нче хатын-кызлар консультациясе мөдире Шәйхетдинова Луиза Рафаэль кызы, шулай ук 3 нче хатын-кызлар консультациясенең медицина психологлары Дәүләтшина Р. Г. чакырылган иде.
Чара Татарстан Республикасы югары уку йортлары һәм урта махсус уку йортлары кураторлары һәм студент яшьләре өчен онлайн-форматта узды.
Семинар кысаларында «Республика җәмәгать сәламәтлеге һәм медицина профилактикасы үзәге» ДАССУның гигиена тәрбиясе буенча модератор — табиб Харисова Р.М. катнашучыларның игътибарын яшьтән үк репродуктив сәламәтлеккә тискәре йогынты ясарга сәләтле куркыныч факторларга җаваплы мөнәсәбәт формалаштыру кирәклегенә юнәлтте.
Акушер-гинеколог Л.Р. Шәйхетдинова сәбәп-нәтиҗә бәйләнешләрен җентекләп ачты, фертиль яшьтәге хатын-кызларның гинекологик авыруларның сәбәпләре, табиблар тикшерүләренең даимилеге турында җитәрлек дәрәҗәдә хәбәрдар булмавын, шулай ук хатын-кызлар консультацияләрендә хәзерге заман диагностика, дәвалау һәм аң-белем тарату хезмәтләре күрсәтү мөмкинлекләре турында ассызыклады.
Яшь пациентлар өчен хатын-кызлар консультацияләрендә дә, шулай ук эре шәһәрләрдәге бала тудыру йортларында да уңайлы шартлар тудырылган, анда күп профильле белгечләр командалары: табиблар, медицина психологлары, социаль хезмәткәрләр, юристлар һәм башка профессионаллар эшли.