Айрат Зиатдинов «Теләкләр чыршысы» акциясендә катнашты
Республика балалар клиник хастаханәсе баш табибы Айрат Зиатдинов «Теләкләр чыршысы» исемле яңа ел инициативасында катнашты.
«Теләкләр чыршысы» - гомуммилли хәйрия кампаниясе, ул Россиядә 2017 елдан бирле ел саен гамәлгә ашырыла. Аның максаты – Яңа ел алдыннан балаларның кадерле хыялларын тормышка ашыру. Акциядә 3 яшьтән 17 яшькә кадәрге сәламәтлек проблемалары белән очрашкан, ата-ана тәрбиясеннән мәхрүм калган балалар, шулай ук ата-аналары махсус хәрби операциядә катнашкан гаиләләрдәге балалар һәм башкалар катнаша.
Балалар бүләккә уенчыклар, китаплар яки спорт инвентаре кебек матди әйберләр, шулай ук матди булмаган әйберләр – мәсәлән, сәфәрләр яки очрашулар сорый ала. Бүләк-сюрприз да булырга мөмкин.
Игелекле эш башкарырга омтылучы теләсә кайсы олы кеше яки оешма теләкләрне үтәүчеләр ролендә була ала.