Белоус Борис Прокофьевич вафат булды
88 яшендә Белоус Борис Прокофьевич вафат булды.
Борис Прокофьевич республиканың сәламәтлек саклау системасында 1976 елдан бирле эшли. Аның турыдан-туры катнашында Республика клиник хастаханәсе, Республика балалар клиник хастаханәсе, Яр Чаллы, Түбән Кама, Әлмәт дәвалау-профилактика учреждениеләре комплекслары, авыл сәламәтлек саклау комплекслары медицина техникасы һәм җиһазлары белән җиһазландырылды.
1990 елдан Борис Белоус Татарстан Республикасы Сәламәтлек саклау министрлыгында баш метролог, инженер-техник хезмәт идарәсе башлыгы, метрологик контроль бүлеге башлыгы булып эшли. Медицина учреждениеләрендә хезмәтнең методик җитәкчелегендә медицина билгеләнешендәге үлчәү чараларын метрологик тәэмин итү дәрәҗәсен һәм сыйфатын күтәрү буенча зур эш башкарылды.
Б.П. Белоус Татарстан Республикасы Сәламәтлек саклау учреждениеләрендә энергияне сак тоту һәм энергетика нәтиҗәлелеген арттыру өлкәсендә актив эшләде. Барлык учреждениеләр буенча энергияне сак тоту программалары һәм тармак программасы эшләнде.
"Үз эшемдә мин һәрвакыт «эшләргә, кешеләр файдасына!",- дип әйткән Борис Белоус.
Якты хәтер!