Кан үзәгендә Яңа ел донор акциясе вакытында кан банкы 100 литрга диярлек тулыланды
Яңа ел алдыннан Республика кан үзәге кан донорлары бергәлеге ярдәмендә «Игелекле Казан» АКО белән берлектә DonorSearch.org медиклар волонтерлары да бәйрәм алды рухы һәм кәефе белән тулы яңа ел донорлык акциясе үткәрделәр.
Чара йомгаклары буенча акциядә 233 кеше катнашты, шуларның 209ы донор булды. Күпләр бүген башкаларга ярдәм итү турында сөйләде, шулай ук Яңа ел алдыннан донорлык хәрәкәтендә катнашу – бәйрәмнәр алдыннан кан запасларына ихтыяҗ арта барган вакытта яхшы гамәл кылу мөмкинлеге, дип ассызыклады. Кан банкы бүген 100 литрга диярлек тулыланды.
Кадерле донорлар, оештыручылар һәм катнашучылар! Игелекле, ярдәмчел һәм шәфкатьле булуыгыз өчен чын күңелдән рәхмәт белдерәбез. Сез сайлаган кешеләргә ярдәм итү юлы дөньяда иң гуманлы һәм игелекле юл булып тора! Башкаларга булышып, сез дөньяны яхшырак һәм яктырак итәсез! Якынлашып килүче Яңа 2026 елда күп уңышлар телибез. Игелек, тылсым һәм могҗиза күрсәтер өчен йөрәгегездә һәрвакыт урын калсын!
Исегезгә төшерәбез, кан үзәге донорларны шулай ук 30 декабрьдә, 5 һәм 6 гыйнварда 7.30 дан 13.00 сәгатькә кадәр көтә.
