Алабугада "Зәңгәр тасма" программасы: инсультка каршы көрәштә көчләрне берләштерәбез
Алабуга район үзәк хастаханәсендә «Зәңгәр тасма» республика программасы кысаларында белем бирү очрашуы узды.
Бу инсульт белән очрашкан пациентларга ярдәм сыйфатын яхшыртуга һәм аларның гаиләләренә ярдәм итүгә юнәлдерелгән проект.
Тәҗрибәле белгечләр (республиканың әйдәп баручы табиблары) Алабуга хезмәттәшләре белән инсульттан соң диагностика, дәвалау һәм иртә тернәкләндерү өлкәсендәге хәзерге заман эшләнмәләре белән уртаклаштылар.
Инсульт – ул пациент өчен генә түгел, ә аның бөтен гаиләсе өчен сынау. Очрашуның икенче өлеше туганнарны укытуга багышланган иде. Чараның мөһим үзенчәлеге авыл җирлекләрендә яшәүчеләрнең катнашуы булды. Хәзерге заман технологияләре ярдәмендә укуга авыл халкы үзләренең ФАПларыннан һәм амбулаторияләреннән үк кушыла алды. Бу шәһәрдән еракта яшәүчеләргә, шулай ук табиблар ярдәменә һәм киңәшенә мохтаҗларга кыйммәтле белем алырга мөмкинлек бирде.
Без «Зәңгәр тасма» программасын оештыручыларга һәм барлык катнашучыларга нәтиҗәле диалог өчен рәхмәт белдерәбез.
