Республика клиник йогышлы авырулар хастаханәсендә 2025 елгы эш йомгаклары турында сөйләделәр
Медицина советы утырышында ТР сәламәтлек саклау министрының беренче урынбасары Елена Демьянова, Роспотребнадзорның ТР буенча идарәсе җитәкчесе урынбасары Любовь Авдонина, ТР ССМ Дәвалау һәм профилактика ярдәме идарәсе башлыгы Татьяна Руднева, РФ Сәламәтлек саклау хезмәткәрләре профсоюзының Вахитов районы оешмасы рәисе Ләйсән Шәмгунова, республика хастаханәләренең баш табиблары, КДМУ һәм КДМА профильле кафедралары җитәкчеләре, клиника хезмәткәрләре һәм үзәк район хастаханәсе табиб-инфекционистлары видеоконференцэлемтә режимында катнашты.
Төп доклад белән РКИБ баш табибы Айдар Баһаветдинов чыгыш ясады. "Йогышлы патологияле пациентларга медицина ярдәмен оештыруның һәм тикшереп торуның төп коралы булып Татарстан Республикасы йогышлы хезмәтенең Республика Координация үзәге тора. Пациентларны консультатив озата бару һәм маршрутлаштыру кысаларында 3 меңнән артык консультация үткәрелгән, бу 2024 ел белән чагыштырганда 42% ка күбрәк, аларның 65% Конс балалар тәшкил иткән. Консультацияләнгән пациентларның 67% ы безнең клиникага маршрутлаштырылган", - дип сөйләде ул.
Медицина советы кысаларында «С гепатиты белән көрәш һәм әлеге авыруның таралу куркынычын киметү» федераль проектын гамәлгә ашыруга аерым игътибар бирелде. Эшнең бу бүлеге турында баш табиб урынбасары Юлия Созинова үз чыгышында сөйләде. Хроник вируслы гепатитлы пациентларга медицина ярдәме күрсәтү «Озак һәм актив тормыш» илкүләм проектының бүлекчәсе булган социаль әһәмияткә ия бурыч булып тора. Ярдәм үзәкләштерелмәгән рәвештә күрсәтелә – төп куратор буларак Республика клиник йогышлы авырулар хастаханәсе методик ярдәме белән. Федераль һәм региональ программаларны үтәү кысаларында өстенлекле бурычлар булып түбәндәгеләр тора: үз вакытында диагностика; пациентларның актуаль регистрын булдыру; вируска каршы нәтиҗәле терапияне колачлау, ул Татарстан Республикасының һәр торак пунктында яшәүчеләргә ала алырлык булырга тиеш.
Шулай ук медицина советы кысаларында Республика клиник йогышлы авырулар хастаханәсендә җибәрелгән медицина процессларын цифрлаштыру буенча проект эшчәнлеге һәм чаралар турында фикер алыштылар. Барлык чыгышларны тыңлап, Елена Демьянова хастаханә коллективының югары нәтиҗәләргә ирешүен билгеләп үтте һәм табибларга бердәм хезмәтләре өчен рәхмәт белдерде. Чара атказанган медицина хезмәткәрләрен бүләкләү тантанасы белән тәмамланды.