Халыкара тәҗрибә – мамадышлыларның сәламәтлегенә хезмәт итүгә: район үзәк хастаханәсендә табиб-невролог эшкә кереште
«Мамадыш район үзәк хастаханәсе» ДАССУда үз вазифаларына яшь, ләкин титуллы белгеч – табиб-невролог, медицина фәннәре кандидаты Элона Рөстәм кызы Хәсәнова кереште.
Аның районга килүе – хастаханә җитәкчелегенең югары квалификацияле кадрлар җәлеп итү буенча максатчан эше нәтиҗәсе.
Элона Рөстәм кызының һөнәргә юлы – тырышлык, искиткеч белем һәм фәнгә мәхәббәт тарихы.
2014 елда ул Башкорт дәүләт медицина университетының (БДМУ) дәвалау факультетын «Дәвалау эше» белгечлеге буенча тәмамлый.
2014-2016 елларда «Неврология» белгечлеге буенча ординатурада укыган.
2016-2019 елларда «Клиник медицина» юнәлеше буенча БДМУның нейрохирургия һәм медицина генетикасы курслары белән неврология кафедрасында аспирантурада укыган.
2016-2021 елларда Харбин медицина университеты белән аффилирланган беренче клиник хастаханәнең неврология кафедрасында аспирантурада укый (Харбин шәһәре, Кытай).
Әлеге масштаблы эшнең нәтиҗәсе 2021 елда диссертация яклау булды.
2021 елда Элона Рөстәм кызына Ph.D неврология өлкәсендә халыкара гыйльми дәрәҗә бирелде.
Яңа белгеч җилкәсендә – бай практика. Мамадышка күчеп килгәнче, ул Г.Г. Куватов исемендәге Республика клиник хастаханәсендә (Уфа шәһәре) табиб-невролог булып эшли.
2017-2021 елларда - БДМУда неврология кафедрасы ассистенты.
2021-2023 елларда Башкорт дәүләт медицина университетының патологик физиология кафедрасы мөдире вазифаларын башкаручы булып эшли.
Бүген Мамадышта талантлы табибның һөнәри юлы дәвам итә. Элона Рөстәм кызы хастаханәнең терапия бүлегендә табиб-невролог булып эшли, шулай ук үзәк район хастаханәсе стационарының башка бүлекләрендә пациентларга консультацияләр үткәрә, үзенең тирән белемнәре белән хезмәттәшләренә уртаклаша һәм район халкына медицина ярдәме күрсәтә.