Ир-ат сәламәтлеге яшьтән формалаша
Ирләр сәламәтлеген саклау атналыгы кысаларында Алабуга район үзәк хастаханәсе балалар поликлиникасы фельдшеры Гүзәл Исхак кызы Шәйдуллина «Адымнар - Алабуга» полилингваль мәктәбе укучылары белән мөһим әңгәмә үткәрде.
Күчеш яше – яшүсмерләр өчен катлаулы чор. Бу зур үзгәрешләр вакыты, кичәге малайлар ир-ат була. Гүзәл Исхаковна балаларга бу мөһим чорда үз организмыңны ничек дөрес кайгыртырга кирәклеге турында сөйләде.
Очрашуда нәрсә турында сөйләштеләр?
Пубертатның үзенчәлекләре: организмда нинди үзгәрешләр бара һәм ни өчен алардан куркырга кирәкми.
Шәхси гигиена: һәр егет белергә тиеш нигезләр.
Спорт һәм туклану: физик активлык ир-атларның нык сәламәтлеген формалаштыруга ничек ярдәм итә.
Начар гадәтләрдән баш тарту: ни өчен тәмәке тарту һәм энергетик эчемлекләр үсеп килүче организм өчен аеруча куркыныч.
Әңгәмә ышанычлы атмосферада узды, укучылар мөһим сорауларга җаваплар алдылар.
Ир-ат сәламәтлеген саклау атнасы - кабул итүгә язылу һәм тикшерү узу өчен менә дигән сәбәп. Үзең турында кайгырту - үз гаиләң һәм киләчәк буыннар алдында җаваплылык ул. Диспансеризация «Дәвамлы һәм актив тормыш» һәм «Гаилә» илкүләм проектлары кысаларында үткәрелә.