Йомгаклау медицина советы Республика туберкулезга каршы клиник диспансерында узды
Бүген, 26 февральдә, «Республика туберкулезга каршы клиник диспансер» ДАССУның 2025 елгы эшчәнлек йомгаклары буенча медицина советы утырышы булды.
Медицина советы эшендә ТР сәламәтлек саклау министры урынбасары Илнур Сибгатов, Роспотребнадзорның ТР буенча идарәсе җитәкчесе урынбасары Любовь Авдонина, хирургия буенча баш табиб урынбасары, «ФПИ» ФДБУ профессоры Михаил Синицын, «ТРда Гигиена һәм эпидемиология үзәге» ФБССУ белгечләре, республика хастаханәләренең баш табиблары, Россия Сәламәтлек саклау министрлыгының «КДМУ» югары һөнәри белем бирү ДБМУ фтизиопульмонология кафедраның профессорлар составы, клиника коллективы һәм үзәк район хастаханәсе табиб-фтизиатрлары видеоконференция элемтәсе режимында катнашты.
2025 елда туберкулезга каршы хезмәт эшчәнлегенең төп күрсәткечләрен һәм 2026 елга бурычларны «Республика туберкулезга каршы клиник диспансер» ДАССУның баш табибы, ТР Сәламәтлек саклау министрлыгының штаттан тыш баш белгеч-фтизиатры Алексей Алексеев үз докладында тәкъдим итте.
2025 елда туберкулез белән авыручылар саны узган ел белән чагыштырганда 17,7% ка кимеде һәм 100 мең кешегә 16,3 тәшкил итте, бу Россия Федерациясендәге күрсәткечләрдән түбәнрәк (26,9). 2025 елда шулай ук балалар арасында туберкулез белән авыру күрсәткече 100 мең балага 2,8 гә кадәр кимегән.
Туберкулездан үлүчеләр саны туберкулезга каршы ярдәм күрсәтүнең сыйфат индикаторы булып тора. 2025 елда туберкулездан үлүчеләр саны 7,7% ка кимеде һәм 100 мең кешегә 1,2 тәшкил итте. Республикада туберкулездан үлүчеләр саны Россия Федерациясендәгедән 2,3 тапкырга кимрәк.
2023 елның ноябрендә ТР ССМ 23.11.2023 № 2797 боерыгы белән «Юл картасы» нигезендә 2023–2025 елларга Татарстан Республикасында «фтизиатрия» профиле буенча махсуслаштырылган медицина ярдәмен оештыруны камилләштерү буенча чаралар планы («Юл картасы») эшләнде һәм расланды. "Юл картасы" нигезендә, 2025 ел йомгаклары буенча туберкулез белән авыручылар һәм үлүчеләр саны 19,6 һәм 1,2 булырга тиеш. 2025 ел йомгаклары буенча «Юл картасы» ның максатчан күрсәткечләре үтәлгән.
2026 елга туберкулезга каршы хезмәтнең бурычлары булып профилактика чараларының сыйфатын тагын да яхшырту, яңа технологияләр, шул исәптән этиологик диагностиканың тизләтелгән молекуляр-генетик ысулларын кулланып туберкулезны диагностикалауны камилләштерү, туберкулезны дәвалауның нәтиҗәлелеген арттыру, туберкулез белән авыручыларга медик-социаль һәм психологик ярдәмне үстерү, матди-техник ярдәмне яхшырту цифрлы юнәлешне тәэмин итү һәм алга таба үстерү тора.
Төп нотыклардан соң чакырылган кунаклар чыгыш ясады: баш табибның хирургия буенча урынбасары, «ФПИ» ФДБУ профессоры (Мәскәү шәһәре) Михаил Синицын, Роспотребнадзорның ТР буенча идарәсе җитәкчесе урынбасары Любовь Авдонина.
Медицина советы ахырында ТР сәламәтлек саклау министры урынбасары Илнур Сибгатов туберкулезга каршы хезмәтнең уңышларын билгеләп үтте, муниципаль районнарда профилактик тикшерүләр үткәрүне арттыру, хезмәтне кадрлар һәм матди-техник яктан тәэмин итүне яхшырту зарурлыгына игътибар итте. Гомумән алганда, сәламәтлек саклау министры урынбасары «Республика туберкулезга каршы клиник диспансер» ДАССУ эшчәнлеген уңай бәяләде һәм коллективка эшләре өчен рәхмәт белдерде.
«Республика туберкулезга каршы клиник диспансер» ДАССУ хезмәткәрләрен бүләкләү медицина советының күңелле тәмамлануы булды.