М.Н.Садыйков ис. 7 нче номерлы Шәһәр клиник хастаханәсе табиблары Россиядә беренче тапкыр метанол белән агуланганнан соң сукырайган ир-атка күрү сәләтен кайтарганнар
Ир-ат Индонезиядә ял иткән, өенә кайтыр алдыннан җирле шәраб эчкән. Иртәгесе көнне ул үзен начар хис итә, очышны көчкә кичерүен исенә төшерә: тыелгысыз косу, хәлсезлек, тән калтырау, баш әйләнү, эч авырту була.
Казанда инде иң сагайта торган симптом барлыкка килә – ир-ат уң күзенә сукырая башлый – шуннан соң ул табибларга мөрәҗәгать итә. Башта ир-ат Республика йогышлы авырулар хастаханәсе медикларына эләгә, алар ботулизмны һәм ир-ат эссе илдә йоктырырга мөмкин булган башка инфекцияләрне кире кага.
Бу хәлдән соң өченче тәүлеккә ул М.Н.Садыйков ис.7 нче номерлы ШКХнең кискен агуланулар бүлегенә керә. Табиблар метанол белән агулануда шикләнәләр, гәрчә клиник билгеләре бөтенләй характерлы булмаса да, гадәттә метанолдан берьюлы ике күз дә сукырайган була.
М.Н.Садыйков ис. 7 нче номерлы Шәһәр клиник хастаханәсендә химик-токсикологик тикшеренү уздырганнар, фаразлар расланган – канда метанол булган. Терапияне башлана, ләкин агулану көчәя бара, инде сул күзгә дә күрү начарлана, ә уң күзе тулысынча диярлек күрми. Медицина практикасы раслаганча, әгәр мондый агулану аркасында сукырлык килеп чыкса – кешегә күрү беркайчан да кире кайтмый.
Токсикологлар антидот, дезинтоксикацион һәм гормональ терапияне дәвам иткән, ир-ат канны чистарту өчен гемодиализ узган. Безнең пациентның хәлен ашыгыч бүлекнең неврологлары һәм клиниканың офтальмологлары игътибар белән күзәтте.
Ярдәмгә Республика офтальмология хастаханәсе белгечләре килде, һәр күз орбитасына бер тапкыр укол керттеләр. Дәвалану башланганнан соң өченче көнне ир-ат күрү сәләте кире кайта башлаганын сизгән. Тагын берничә көннән соң безнең герой текстны якын арада күрә. Дәвалануның 10 көнендә күрү тулысынча диярлек кире кайта, уң күзендәге бер кара нокта борчый.
"Хәзер пациент мөстәкыйль йөри, барысын да күрә, инвалидлыктан кача алдык. Пациентка тиешлесен бирергә кирәк, аның кәефе яхшы иде, ул безнең уңай нәтиҗәгә ирешәчәгебезгә ышана иде», – дип билгеләп үтте клиниканың кискен агуланулар бүлеге мөдире Алия Рөстәм кызы Насыйбуллина.
Бүгенге көндә безнең герой клиникадан чыгарылган, хастаханә белгечләренә рәхмәт йөзеннән, саубуллашканда уртак фотография ясадылар. Очрак, чыннан да, уникаль.
Россиядә беренче тапкыр табиблар күрү сәләте тулысынча югалганнан соң аны кире кайтара алды, һәм моны безнең табиблар эшләде.