Чистайда кискен коронар синдромны дәвалауга замана алымнары турында фикер алыштылар
Чистай район үзәк хастаханәсендә кискен коронар синдромлы пациентларга медицина ярдәме күрсәтүнең актуаль мәсьәләләренә багышланган масштаблы конференция узды. Чара республиканың әйдәп баручы белгечләрен тәҗрибә уртаклашу, замана алымнары һәм медицина ярдәменең сыйфатын яхшырту турында фикер алышу өчен берләштерде.
Катнашучыларга сәламләү сүзе белән югары технологияле медицина ярдәмен оештыру бүлеге башлыгы Николай Илюхин һәм Чистай район үзәк хастаханәсе баш табибы Илдар Хәнифов мөрәҗәгать иттеләр.
Николай Илюхин ассызыклаганча, 2027-2028 елларга планнарда — ярдәм күрсәтүнең яңа ысулларын үстерү, шул исәптән аритмология хезмәтен киңәйтү.
«Киләчәктә Чистай район үзәк хастаханәсенең тире аша тыкшынулар үзәге базасында заманча югары технологияле тыкшынулар даими нигездә башкарылачак һәм иң югары стандартларга туры киләчәк», — дип өстәде ул.
Конференция кысаларында нотыклар белән республиканың әйдәүче белгечләре чыгыш ясады.