Вакцинация – медицина хезмәткәрләре экипировкасының бер өлеше
Көн саен медицина хезмәткәрләре пациентларның зәгыйфь төркемнәре белән элемтәгә керә – иммунитеты какшаган, хроник, аутоиммун авырулар белән, димәк, ак халатлы кешеләрнең сәламәтлегенә пациентларның сәламәтлеге турыдан-туры бәйле.
Бөтендөнья сәламәтлек саклау оешмасы мәгълүматлары буенча, медицина хезмәткәрләренең йогышлы авырулар йоктыру куркынычы башка һөнәр вәкилләренә караганда 3-5 тапкырга югарырак. Мәсәлән, очраклы энә белән укол ясаганда вируслы гепатит йоктыру куркынычы 10нан 30 % ка кадәр, грипп йоктыру куркынычы 50% ка кадәр тәшкил итә.
Медперсоналның вакцинациясе хезмәткәрләрнең үзләрен генә түгел, персоналдан пациентларга инфекцияләр тапшыру куркынычын да киметә. Нозологиягә бәйле рәвештә хастаханә эчендәге авырулар 34% тан 51% ка кадәр кими.
Республика клиник тире-венерология диспансерында ел саен 75% тан артык хезмәткәр гриппка каршы вакцина ясый.
2015 елдан Казан шәһәре диспансерында биологик сыеклыклар белән контактта булган хезмәткәрләрдә В вируслы гепатитына антитәнчекләрнең саклау дәрәҗәсен билгеләү буенча тикшеренүләр башланды, аларны алга таба ревакцинацияләү карала.
2022 елдан пневмококк инфекциясенә каршы вакцинация башланган, 95 кешегә прививка ясалган.
Бу елда столбняк һәм дифтериягә каршы 27 хезмәткәр прививка ясаткан, В гепатитына каршы - 18.
2016 елдан Республика клиник тире-венерология диспансеры базасында хезмәт мигрантларын кызамыкка каршы, 2025 елдан менингококк инфекциясенә каршы вакцинация үткәрелә. Ул мигрантларны да, шулай ук республика халкын да саклауга юнәлдерелгән, чөнки бу төркем еш кына хостелларда, тулай торакларда күпләп яшәү сәбәпле куркыныч факторга әверелә.
Апрельнең соңгы атнасында гына да кызамыктан һәм менингиттан 480 чит ил гражданы прививка ясаткан, менингиттан – 30.
Диспансер пациентлары һәм халык белән вакцинациягә мотивация һәм киләчәк буыннарны саклау буенча актив аңлату эшләре дәвам итә.
Вакцинация – ул инфекцияләр таралуга каршы күзгә күренми торган, ләкин ышанычлы калкан!
20-26 апрельдә Бөтенроссия иммунопрофилактиканың мөһимлеге турында хәбәрдарлык атналыгы барышында.