«Профессионаллар» чемпионатында җиңү

2026 елның 24 апреле, җомга

Түбән Каманың Б. Урманче исемендәге 2 нче гимназия укучысы Габдрахманова Азалия Түбән Кама медицина көллиятенең эксперт-остазы Никитина Лилия Валерьевна җитәкчелегендә «Профессионаллар» һөнәри осталык чемпионатының йомгаклау (төбәкара) этабында призер булды.

Кыз «Акушерлык эше» компетенциясе буенча «Мәктәп укучысы» категориясендә мактаулы 3 урынны алды.

Чемпионат Башкортстан Республикасының Бөрө шәһәрендә узды.

«Профессионаллар» чемпионаты «Яшьләр һәм балалар» илкүләм проектының «Профессионалитет» федераль проекты буенча уздырыла.

Катнашучыны һәм остазны лаеклы җиңүе белән котлыйбыз! Сезнең белән горурланабыз!