«Иллюзиясез тормыш: наркотикларга бәйлелек турында хакыйкать»

2026 елның 22 июне, дүшәмбе

Ел саен 26 июньдә билгеләп үтелә торган Халыкара наркотиклар куллануга һәм аларның законсыз әйләнешенә каршы көрәш көне алдыннан без профилактика атналыгы кысаларында Менделеевск район үзәк хастаханәсе табиб-психиатр-наркологы Нурия Шәйдулла кызы Әхмәдуллина белән әңгәмә кордык.
Белгеч «эксперимент» белән бәйлелек упкыны арасындагы нечкә чикнең һәлакәтле булуы турында сөйләде.

 Контроль иллюзиясе. Наркотиклар мәкерле: алар "кәефне генә үзгәртеп калмый", бәлки максатчан рәвештә үзәк нерв системасы эшенә үтеп керә, аңны боза һәм чын кыйммәтләрне ялган ориентирлар белән алыштыра. Теләсә нинди психоактив матдә – баш мие биохимиясенә агрессив тыкшыну. Ул даими «тукландыруга» патологик ихтыяҗны формалаштырып, табигый процессларны үзгәртә.