Яр Чаллы шәһәренең Сугыш ветераннары өчен госпиталендә өч этаплы тернәкләндерү мәсьәләләре буенча республика семинары узды
Яр Чаллы шәһәренең Сугыш ветераннары өчен госпиталендә төрле профильдәге пациентларны өч этаплы медицина тернәкләндерүенең актуаль мәсьәләләренә багышланган республика районара семинар-киңәшмәсе узды.
Чарага республиканың төрле дәвалау учреждениеләреннән 50дән артык әйдәп баручы белгеч җыелды, шул исәптән реабилитологлар, неврологлар, логопедлар һәм медицина психологлары.
Семинарны башлап, Сугыш ветераннары өчен госпиталенең баш табибы Резеда Ришат кызы Мавзютова катнашучыларны сәламләде, ул чараның республиканың тернәкләндерү хезмәтен үстерү һәм пациентларга ярдәм сыйфатын күтәрү өчен зур әһәмияткә ия булуын ассызыклады.
Семинарны оештыручы – Бодрова Резеда Әхмәт кызы - Татарстан Республикасы Сәламәтлек саклау министрлыгының медицина тернәкләндерүе буенча штаттан тыш баш белгече, КДМАның реабилитология һәм спорт медицинасы кафедрасы мөдире, Казан шәһәре «М.Н. Садыйков ис. 7 нче шәһәр клиник хастаханәсе» ДАССУ дәвалау-тернәкләндерү үзәге җитәкчесе, медицина фәннәре докторы, доцент.
.jpg)