ТР Дәүләт Советының Рәхмәт хатын Медицина хезмәткәре көнендә Татарстан Республикасы клиник хастаханәсе коллективына тапшырдылар
Татарстанның Республика клиник хастаханәсе коллективы медицина хезмәткәрләре көнен бәйрәм концерты белән билгеләп үтте. Идел буе дәүләт физик культура, спорт һәм туризм университетының Халыкара мәгълүмат үзәгендә табиблар, мөдирләр, шәфкать туташлары, санитаркалар, административ-хуҗалык бүлеге хезмәткәрләре һәм районнарның баш табиблары җыелды.
Татарстан Республикасы Премьер-министры урынбасары Ләйлә Фазлыева, Татарстан Республикасы сәламәтлек саклау министрының беренче урынбасары Елена Демьянова, Казан дәүләт медицина университеты ректоры вазифаларын башкаручы Айрат Фәррахов, Татарстан Республикасы Дәүләт Советының Социаль сәясәт комитеты рәисе Алексей Созинов бәйрәмнең мактаулы кунаклары булдылар.
Алексей Созинов Республика клиник хастаханәсе коллективына республика сәламәтлек саклау өлкәсенә зур өлеш керткәннәре өчен ТР Дәүләт Советы Рәисенең Рәхмәт хатын тапшырды.
Баш табиб Марат Гатауллин ассызыклаганча, республика клиникасы – Татарстанда иң эре клиника, Татарстанда иң күп профильле клиника.
Бүләкләүдән соң коллектив алдында яшьләр симфоник оркестры, «Genesis» Казан яшьләр хоры, Татарстанның халык артистлары Эльмира Кәлимуллина һәм Салават Фәтхетдинов, «CRYSTAL» балет шоуы, Татарстан Республикасының халык, Башкортостанның атказанган артисты Филүс Каһиров һәм «Волга-Волга» ВИА чыгыш ясады.
"Бүген иң яхшы иҗат коллективлары, халык артистлары, җитәкчеләр Республика клиник хастаханәсе хезмәткәрләрен һәм ветераннарын котлыйлар. Мин моны сатып алып булмый дип уйладым. Моны бары тик мактаулы репутация һәм хезмәт белән генә эшләп була! Браво, РКБ командасы. 15 ел бу команда әгъзасы булуы белән һәрвакыт горурландым», – диде Айрат Фәррахов.