Яр Чаллыда медицина көллиятенең иң зур чыгарылышы булды
Чаллының орган залында бәйрәм һәм горурлык атмосферасы хөкем сөрде. 435 яшь белгеч диплом алды – бу Чаллы медицина көллияте тарихында иң зур чыгарылыш.
Тиздән кичәге студентлар хастаханә, поликлиника, ашыгыч ярдәм станцияләре һәм башка медицина оешмалары хезмәткәрләре сафын тулыландырачаклар, шәһәр һәм республика сәламәтлек саклау өлкәсендә кадрлар потенциалын ныгытачаклар.
32 укучы кызыл дипломнарын Дәүләт Думасының кече һәм урта эшмәкәрлек комитеты рәисенең беренче урынбасары Әлфия Когогина кулыннан алды.
Тантана дипломнар тапшыру белән генә түгел, мактау сүзләре белән дә истә калды. Әлфия Гомәр кызы Когогина мәктәпне тәмамлаган Зәринә Гәрәйханованы аерым билгеләп үтте. Кеше тормышына куркыныч янаган кискен вәзгыятьтә күрсәткән батырлыгы һәм фидакарьлеге өчен Зарина зур рәхмәткә лаек булды.
Кадерле чыгарылыш укучылары! Сезгә сайлаган юлда уңышлар телибез.
