Республика клиник йогышлы авырулар хастаханәсе белгечләре Татарстан районнарында йогышлы авырулар хезмәтләренең күчмә курациясен үткәрделәр
Кичә Татарстан Республикасы инфекция хезмәтенең планлы курациясе кысаларында «Профессор А.Ф. Агафонов исемендәге Республика клиник йогышлы авырулар хастаханәсе» ДАССУ белгечләренең эш визиты булды.
Делегация составына баш табиб Айдар Баһаветдинов, баш табибның медицина юнәлеше буенча урынбасары Юлия Созинова һәм Йогышлы авырулар буенча республика консультатив-диагностика үзәге мөдире Алдар Басангов керде.
Эшче төркем Кама аръягы зонасының төп медицина учреждениеләрендә: Түбән Кама район үзәк күп профильле хастаханәсендә, Түбән Кама перинаталь үзәкле балалар район хастаханәсендә, Тукай район үзәк хастаханәсендә һәм Яр Чаллы йогышлы авырулар хастаханәсендә булды.
Хроник вируслы гепатит С (ХВГС) һәм башка катлаулы инфекцион патологияләр булган пациентларны алып бару мәсьәләләре турында фикер алыштылар. Белгечләр авыруларны маршрутлаштыру һәм терапиянең хәзерге заман схемаларын куллану тәҗрибәсе белән уртаклаштылар.
Мондый күчмә чаралар Татарстанның барлык районнарында яшәүчеләргә медицина ярдәме күрсәтүнең бердәм сыйфат стандартларын тәэмин итәргә, дәвалауның алдынгы беркетмәләрен вакытында кертергә һәм урыннарда оештыру мәсьәләләрен оператив хәл итәргә мөмкинлек бирә.