Көндез ул баш шәфкать туташы, ял көннәрендә – «Геройлар узышы» инструкторы
Катнашучылар «Геройлар узышы» трассасын узган арада, Яр Чаллы табиб-физкультура диспансерының баш шәфкать туташы Наталья Тугулева тулы бер команда өчен җавап бирде.
Менә инде биш ел ул «Геройлар узышы» лигасының рәсми тренеры һәм инструкторы булып тора һәм Яр Чаллы, Түбән Кама һәм Алабуга халкын экстремаль йөгерешләргә әзерли, тренировкалар үткәрә, булачак инструкторлардан нормативлар кабул итә һәм яңа килүчеләргә үз көчләренә ышанырга ярдәм итә.
"Һәр взводның инструкторы бар. Без каршылыкларны узу техникасын күрсәтәбез, куркынычсызлыкны күзәтәбез һәм команда белән дистанцияне старттан алып финишка кадәр үтәбез. Безнең бурыч – һәр катнашучының ахырына кадәр барып җитүе", – дип сөйли Наталья.
Шунысы кызык, катнашучылар белән бергә трассага чыкканчы, инструкторлар маршрутны һәм һәр этапның әзерлеген тикшереп, барлык 44 каршылыкны үзләре узалар.
Наталья үз командасына очраклы рәвештә эләгә, инструкторларны автомат рәвештә бүлеп бирәләр. Бу юлы аңа Менделеевск район үзәк хастаханәсе табибларын озата баруны ышанып тапшырдылар.