Иҗтимагый совет Сәламәтлек саклау министрлыгының 1 нче яртыеллыкта гавами формалаштырылган максатлары һәм бурычлары үтәлеше турында фикер алышты
Татарстан Республикасы Сәламәтлек саклау министрлыгында Иҗтимагый совет һәм экспертлар төркеме утырышында Сәламәтлек саклау министрлыгының 2026 елның 1 яртыеллыгында Татарстан Республикасы Сәламәтлек саклау министрлыгының максатларын һәм бурычларын гавами формалаштыруны гамәлгә ашыру эшенә йомгак ясалды.
Исегезгә төшерәбез, 2026 елга максатлар һәм бурычлар – 5.
1. Визуаль локализацияләрнең яман шешләре ачыклануны I стадиядә визуаль локализацияләрнең яман шешләре очракларының гомуми саныннан кимендә 56,6% дәрәҗәсендә тәэмин итәргә;
2. Халыкның медицина оешмаларында эшләүче табиблар белән тәэмин ителешен 10 мең кешегә 35,3 тән 35,4 белгечкә кадәр, урта медицина хезмәткәрләре белән тәэмин ителешен 10 мең кешегә 91,7 дән 91,9 белгечкә кадәр арттырырга;
3. Росстат белешмәләре нигезендә җәмәгатьчелек фикерен бәяләү нәтиҗәләре буенча халыкның медицина ярдәме белән канәгатьлек дәрәҗәсен кимендә 61,5% булуын тәэмин итәргә;
4. Инсульт белән авыручы пациентларга медицина ярдәменнән файдалану мөмкинлеген арттыру өчен инсульт симптомнары барлыкка килгәннән соң беренче сәгатьләрдә кимендә ике кан тамырлары үзәге ачарга, шул исәптән беренчел кан тамырлары бүлекләре белән дистанцион элемтә форматында;
5. Ел дәвамында инсульт яки инфаркт кичергән һәм диспансер күзәтүендә булган кимендә 24,7 мең пациентны дару препаратлары белән тәэмин итәргә.
Нәтиҗәләр буенча иҗтимагый фикер алышуда Татарстан Республикасы Сәламәтлек саклау министрлыгы каршындагы Иҗтимагый совет вәкилләре, экспертлар төркеме, Татарстан Республикасы Иҗтимагый палатасы, Татарстан Республикасы Кеше хокуклары буенча вәкаләтле вәкил вәкилләре, Татарстан Республикасы Сәламәтлек саклау министрлыгының идарәләре һәм бүлекләре җитәкчеләре һәм массакүләм мәгълүмат чаралары вәкилләре катнашты.
Чыгышлар йомгаклары буенча Татарстан Республикасы Сәламәтлек саклау министрлыгының беренче яртыеллыктагы эшен канәгатьләнерлек дип тану турында карар кабул ителде. Максатлар һәм бурычлар үтәлде.