Тирән кайгы белән хәбәр итәбез, Елена Владимировна Катаева — 3 нче балалар шәһәр поликлиникасының участок педиатры кинәт вафат булды.
Елена Владимировна Яр Чаллыда туган. Аның медицинага бару юлы балачак хыялыннан башлана: ул «уколлар, массаж ясап, кул-аякларын бинтлар белән бәйләгән» курчаклар өчен аптечкасын исенә төшерә. Ярдәм итәргә чын күңелдән омтылу аның язмышын билгели. 1989 елда 8нче мәктәпне тәмамлагач, ул Пермь дәүләт медицина институтына укырга керә, ә аннары эшкә бүленеш буенча Курганга җибәрелә, анда балалар клиник хастаханәсендә интернатура уза.
1991 елда Елена Владимировна туган ягына кайта һәм 3 нче балалар шәһәр поликлиникасында эшли башлый, аңа үзенең 35 ел гомерен багышлый. Берничә буын балалар һәм аларның ата-аналары өчен ул дәвалаучы табиб кына түгел, ә зирәк остаз да, яхшы дус та була. Ул үзенең кечкенә пациентларының беренче адымнарын ясауларын, балалар бакчасына һәм мәктәпкә баруларын, яшүсмерләр булып китүләрен, ә аннары инде аңа үз балаларын алып килүләрен күрә.
Сизгер доктор, үз эшенә тугры профессионал Елена Владимировна Катаева турындагы якты истәлек аның рәхмәтле пациентлары, хезмәттәшләре, дуслары һәм аны белү бәхетенә ия булган барлык кешеләрнең йөрәкләрендә мәңгегә калачак.
Елена Владимировнаның кадерле туганнары һәм якыннары! 3 нче балалар шәһәр поликлиникасы коллективы кайгыгызны уртаклаша.
Елена Владимировна истәлегенә поликлиникада искә алу почмагы оештырылган.
Хушлашу җомга көнне, 7 августта, 10:30 да шәһәр моргында узачак.