Халыкара хезмәттәшлек: Республика балалар клиник хастаханәсе Кытай коллегалары белән балалар медицинасы чикләрен киңәйтә
Татарстан Республикасы Рәисе җитәкчелегендәге Татарстан Республикасы рәсми делегациясе составында Республика балалар клиник хастаханәсе белгечләре Шаньдун провинциясендә булдылар.
Цзинань шәһәренә визитның төп нәтиҗәсе «ТР ССМ БРКХ» ДАССУ һәм Цзинань шәһәренең Балалар хастаханәсе арасында хезмәттәшлек турында биш еллык килешүгә кул кую булды.
Партнерлык кечкенә пациентларга ярдәм итү өчен традицион кытай һәм хәзерге заман медицина тәҗрибәсен берләштерәчәк.
Уртак эшнең төп юнәлешләре:
- Аутистик спектр какшавы (РАС) булган балаларны реабилитацияләү: аутизмлы балаларны реабилитацияләүнең иң яхшы халыкара практикаларын һәм методикаларын кертү.
- Традицион кытай медицинасын интеграцияләү: сыналган методларны дәвалауның алдынгы стандартлары белән яраклаштыру.
- Эпилепсия белән көрәш: катлаулы очракларны диагностикалауда һәм терапиядә уртак тикшеренүләр һәм тәҗрибә уртаклашу.
- Укыту һәм стажировкалар: ике учреждениенең дә табиблары, шәфкать туташлары һәм җитәкчеләре өчен даими рәвештә халыкара алмашулар, семинарлар һәм квалификация күтәрү.
Килешү 5 елга исәпләнгән һәм озак вакытлы фәнни һәм практик хезмәттәшлек өчен ныклы нигез сала.
