ТР сәламәтлек саклау министры һәм Казанның мэры Челюскин урамы буенча №1 сырхауханә бүлегенә килеп киттеләр
Яңартылган медицина оешмасында ТР сәламәтлек саклау министры Адель Вафин, Казанның мэры Илсур Метшин, шулай ук Авиатөзелеш һәм Яңа-Савин районнарының администрациясе җитәкчесе Тимур Алибаев, Сәламәтлек саклау идарәсе башлыгы Рәмил Әхмәтов, №7 шәһәр клиник хастаханәсенең баш табибы Марат Галиуллин булдылар.
Челюскин урамындагы сырхауханә бүлеге 1952 елда төзелгән бина булып тора. Аның техник хәле һәм җитәрлек булмаган җиһазландырылуы медицина ярдәмен күрсәтүнең гамәлдәге стандартларына туры килми иделәр. 2008 елда биналарны этаплап төзәтү турында карар кабул ителде. Стационар төзәтелде инде. Челюскин урамындагы бүлектә төзәтү эшләре 2012-2013 елларда уздырылды, аларның бәясе 14,2 млн. сум тәшкил итте.
Хастаханәнең баш табибы әйткәнчә, бүлектә коммуникацияләр системасы тулысынча алмаштырылды. Сырхауханәнең капиталь төзәтүен тәмамлау һәм амбулатор челтәрне җиһазландыру балаларга күрсәтелгән медицина ярдәмен ала алырлыкны һәм комфортлыкны арттырырга рөхсәт итте. Күрсәтмәлелек өчен баш табиб сырхауханәнең ремонтка кадәр һәм аннан соң эшләнгән фоторәсемнәрен күрсәтте. Кунаклар процедура, педиатрия, хирургия, физиодәвалау, йогышлы авырулар кабинетларын һәм башкаларны, шулай ук сөт продукциясен тарату пунктын карап чыктылар. Яңа, чиста, якты бина кечкенә балаларны гына түгел, ләкин ана-аталарны да шатландыра.
Сырхауханә буенча кыска экскурсиядән соң Марат Галиуллин үсешнең перспектив планнары турында, аерым алганда боксларны, реанимацияләү бүлеген һәм ЛОР-бүлеген оештыру белән булган кабул итү-диагностикалау бүлеген төзү турында хәбәр итте.
Рәмил Әхмәтов аңлатканча, мондый үзәкне төзү БРКХ һәм йогышлы авырулар хастаханәсендә булган ОРВИ һәм грипп авырулары санының үсешенә бәйләнгән галәмәт зур киеренлекне бетерергә рөхсәт итә. Адель Вафин фикере буенча, кабул итү-диагностикалау бүлегенең чикләрендә пациентлар бөтен кирәкле медицина ярдәмен ала алырлар һәм зур өстенлек булып төрле авыруларның өзлегүләрен кисәтү мөмкинлеге торачак.
26 мең балага ярдәм күрсәтә торган Авиатөзелеш районының №7 Балалар шәһәр клиник хастаханәсе берничә аерым тора торган бинада урнашкан: Айдаров ур. буенча стационар һәм сырхауханә бүлеге, Химиклар һәм Челюскин ур. буенча сырхауханә бүлекләре, Гудованцев ур. буенча «Тин-клиник» дигән балаларга һәм үсмерләргә медик-социаль ярдәм күрсәтү бүлеге һәм Химиклар ур. буенча консультация бирү-диагностикалау бүлеге.