Бехтерев авыруы булган пациентлар өчен форум

21-22 июньдә Казанның Милли мәдәният үзәгендә табибларның һәм Бехтерев авыруы булган пациентларның уртак форумы үтте. Шулкадәр мөһим чараны оештыручылар «Бехтерев авыруы вакытында бер-береңә ярдәм итү җәмгыяте» Регионара иҗтимагый хәйрияле инвалидлар оешмасы, Казан дәүләт медицина университеты һәм Республика клиника хастаханәсенең һәм 7нче Шәһәр клиника хастаханәсенең ревматология хезмәте булды. Форумда 10нан артык регионнан пациентлар катнаштылар. Алар Россия Федерациясенең һәм Татарстан Республикасының иң яхшы ревматологларыннан авырулар турында кирәкле мәгълүматларны алдылар, дөрес яшәү рәвеше, сырхау белән көрәшүнең заманча ысуллары һәм аның нәтиҗәләре, дәвалау физкультурасы, авыруны мөстәкыйль тикшереп тору мөмкинлекләре турында, гаилә планлаштыру һәм илнең бүтән регионнарында пациентларны дәвалау ысуллары һәм башкалар турында киңәшләр ишеттеләр.
Форумда Республика клиника хастаханәсенең һәм 7нче Шәһәр клиника хастаханәсенең белгечләре: «ТР ССМ Республика клиника хастаханәсе» ДАССОсының ревматология бүлеге мөдире, ТР Атказанган табибы Әбдрәкипов Рифкать Җәүдәтович, «ТР ССМ Республика клиника хастаханәсе» ДАССОсының ревматология бүлеге табибы Афанасьева Марианна Анатольевна, РКХ ревматология бүлегенең табиб-ординаторлары, баш штаттан тыш ревматолог, РФ ССМ «КДМУ» ЮҺББ ДБББОсының эндокринология курсы белән булган госпиталь терапия кафедрасы ассистенты Мясоутова Ләйсән Илдаровна, «7нче Шәһәр клиника хастаханәсе» ДАССОсының ревматология бүлеге мөдире, ТР Атказанган табибы Мухина Равия Гаязовна, «Татарстан Республикасы буенча медицина-иҗтимагый экспертизасының төп бюросы» ФКО вәкилләре, шулай ук КДМУ госпиталь терапия кафедрасының ассистентлары һәм доцентлары катнаштылар.
Форумда катнашучыларга дәвалау физкультурасы күнекмәләре комплексы белән булган брошюралар бирелде.