Татарстан Республикасы Президенты Рөстәм Миңнеханов «Коткару» («Спасение») сырхауханәсенә килеп китте

2014 елның 1 июлендә Татарстан Республикасы Президенты Рөстәм Миңнеханов күп профильле «Коткару» («Спасение») медицина  берләшмәсе» ҖЧҖ сырхауханәсенә килеп китте. Президент терапевт, хирург, офтальмолог кабинетларын, иң заманча медицина җиһазлары белән җиһазландырылган физиотерапевтика кабинетын карап чыкты. Моннан тыш, ул табибларның УТТ кабинетында (УЗИ), диспасеризация, көндезге стационар, клиника лабораториясе кабинетларында эшләүләре белән танышты.
Республика өчен «Коткару» («Спасение») медицина  берләшмәсе» ҖЧҖ сырхауханәсе дәүләт-шәхси партнерлыкны тормышка ашыруның тәҗрибә моделе булып тора. Нәкъ бер ел элек «Коткару» медицина  берләшмәсе» ҖЧҖ һәм Татарстан Республикасы Җир һәм милек мөнәсәбәтләре министрлыгы арасында концессион килешү төзелде, шул килешү чикләрендә 1.07.2013 «Коткару» медицина  берләшмәсе» ҖЧҖ сырхауханәсендә капиталь ремонт эшләре башланды. 2014 елның маенда барлык ремонт эшләре тәмамланды. Хәзер барлык кабинетлар компьютерлар, җиһазлар белән җиһазландырылган, һәр эш урынына телефон кертелгән. Хастаханәдә физиотерапевтика кабинеты һәм 6 ятакка көндезге стационар  барлыкка килде.