Казан Мэры Илсур Метшин Ашыгыч медицина үзәгенә килеп китте

Казан шәһ. 7нче Шәһәр клиника хастаханәсендә эш визиты белән Казан Мэры Илсур Метшин булды. Дәвалау оешмасына килү 7нче ШКХ җирлегендә төзелгән Ашыгыч медицина үзәге эшенә нәтиҗәләр ясау максаты белән планлаштырылган иде. Исегезгә төшерәбез, Ашыгыч медицина үзәге тантаналы рәвештә 2013 елның 18 июнендә ачылды. Ачылу церемониясендә Татарстан Президенты Рөстәм Миңнеханов һәм Россия Федерациясе Хөкүмәте Рәисенең урынбасары Ольга Голодец катнаштылар.
Хастаханәнең баш табибы Марат Садыков озатуында мэр кабул итү-диагностикалау бүлеген, диагностика һәм дәвалауның рентгенохирургия ысуллары бүлеген карап чыкты. Шулай ук Илсур Метшин операция бүлеген, анестезиология һәм реанимация бүлеген күрде. Казан мэры шулай ук пациентлар белән шәхсән сөйләшә алды. Ул медицина ярдәмен күрсәтүнең сыйфаты белән кызыксынды, шулай ук аларның тизрәк терелүләрен теләде. Ашыгыч медицина үзәгендә актив кертелүче телемедицина технологияләре дә: табиблар практик осталыкларын күнектерә ала торган манекен да, шулай ук хастаханә табибларына башка дәвалау оешмалары белгечләре белән реаль вакыт режимында консультацияләр үткәрергә булыша торган робот та телгә алынмыйча калмадылар. Йомгак ясап, Илсур Метшин Үзәк эшен югары бәяләде. Ул, «Хастаханәне төзү шәһәрдә яшәүчеләргә югары квалификацияле медицина ярдәмен күрсәтүнең  логистикасын күп яклап үзгәртте», - дип ассызыклады. - Хәзер аларны РКХгә, РКДҮгә һәм бүтән эре медицина үзәкләренә китерергә кирәкми».