Чистай ҮРХсендә Бөек Ватан сугышы ветераннары, инвалидлары, тыл хезмәтчәннәре өчен уңайлылыгы бик югары булган палатаны ачтылар

Чистай ҮРХсендә – шатлыклы вакыйга. Монда тантаналы рәвештә Бөек Ватан сугышы ветераннары, инвалидлары, тыл хезмәтчәннәре өчен уңайлылыгы бик югары булган палатаны ачтылар.
Заманча палатаның тантаналы ачылуы Чистай муниципаль районы Башлыгы Илдус Әхмәтҗанов, «Бетар» ҖКФ ҖЧҖ директоры Ринат Фардеев һәм аның техник үсеш буенча урынбасары Антон Зайцев катнашуында булды.
Бу -  «Кадерле ветераныбыз» дигән республика акциясе чикләрендә төзекләндерелгән җирле үзәк район хастаханәсендә чираттагы уңайлылыгы бик югары булган палата.  
- Мондый палаталарның ачылуы Бөек җиңүнең 70-еллыгы алдыннан бик мөһим,- дип билгеләде Илдус Әхмәтҗанов. - «Бетар» җитештерү предприятиесенең җитәкчелеге кадерле ветераннарыбыз һәм тыл хезмәтчәннәребез өчен нинди шартлар булдырылырга тиешлеген аермачык күрсәтте. Бу  палатадан тыш «Чистай ҮРХ» ДАССОның стационар бүлекләрендә БВС ветеранныры өчен тагын 12 палатаны төзекләндерү буенча ремонт  эшләре алып барыла.