ВИЧ-йогыш буенча профилактик эш

Билгеле булганча, СПИД, аны йоктыру юллары һәм кисәтү чаралары турында дөрес һәм ала алырлык булган мәгълүмат – авыруны профилактикалауның бердәнбер ысулы. Инде берничә ел дәвамында ВИЧ-йогышын йоктыруның төп юлы булып сакланылмаган җенси бәйләнешләр вакытында йоктыру тора. Милләтенә, яшенә һәм җәмгыятьтә тоткан урынына карамастан, һәр кешегә куркыныч яный.

Әлмәт СПИД-үзәге белгечләре, үз-үзләрен куркынычсыз тотмаган пациентларның конкрет үрнәкләрен күрсәтеп, йоктыру юллары, шәхси профилактика чаралары турында сөйлиләр. Әлмәт муниципаль районының СПИД, алкоголизм, тәмәке тарту һәм токсикоманияне профилактикалау буенча башкарма комитеты карамагындагы ведомствоара комиссиясенең карары буенча ВИЧ-йогышы буенча һәм үз-үзеңне куркынычсыз тоту буенча профилактик эшне алып бару график буенча шәһәрнең оешмаларында һәм предприятиеләрендә дәвам итә.

Шулай да, бар җитәкчеләр дә бу сорауга җитди карамыйлар, эшчеләренә аң-белем таратуда кызыксынмыйлар, лекцияләр үткәрү өчен аудиторияләр бирмиләр. Күбесе, якыннарының берсенә бәла килгәнче, проблеманы күрмиләр. Нәкъ менә профилактика авырудан саклап кала ала да бит инде.

Лилия Сабитова, ӘМР Сәламәтлек саклау идарәсенең матбугат хезмәте