РКХнең төп корпусында «Бәхетле» минимаркеты ачылды

2014нче елның 13нче сентябрендә Оренбург тракты ур.,138 адресы буенча урнашкан, Республика клиник хастаханәсенең А корпусында «Бәхетле» минимаркетының ачылышы булды.
Сәламләү сүзе белән Татарстан Республикасы сәламәтлек саклау министры Вафин Адел Юныс улы һәм «Бәхетле» компаниясе генераль директорының беренче урынбасары Мөхәмәдшина Рима Җәмил кызы чыгыш ясадылар. Яңа өй ризыклары минимаркетында үзләре җитештергән продукция һәм товарлар белән дәваланучылар ө гына түгел, шулай ук күрергә килүчеләр һәм Казан шәһәре Республика клиник хастаханәсенең хезмәткәрләре дә файдалана алачак. «Бәхетленең» фирма продукциясе белән минимаркетта сыйланырга була. Уңайлы булсын өчен бинада өстәлләр һәм урындаклар куелган.
Ачылышта саксофонның әсир итүче тавышлары һәм вокал композицияләрен башкару бәйрәм атмосферасын булдырдылар. Шулай ук «Бәхетле» челтәрендә тәкъдим ителгән милли татар ашамлыкларын танып белүгә конкурслар оештырылды. Күпчелек катнашучылар «Бәхетленең» үзе җитештергән камыр ризыкларына һәм татлы ашамлыкларынаөстенлек бирәләр, шуңа күрә конкурс тәмамланганнан соң катнашучылар компаниядән татлы фирма сюрпризларын алдылар.