Татарстан Республикасы Сәламәтлек саклау министрлыгы

ТР Премьер-министры Илдар Халиков 7нче номерлы ШКХ җирлегендәге Эндоурология үзәгенә килеп китте

2015 елның 2 сентябре, чәршәмбе

Эндоурология үзәге 7нче номерлы Шәһәр клиник хастаханәсе җирлегендә ачылды. Хәзерге заман операцияләрен ясарга рөхсәт итүче яңа җиһазны бүген ТР Премьер-министры Илдар Халиков күрде. Аны ТР сәламәтлек саклау министры Адел Вафин һәм башкалар озатып бардылар.

Хастаханәнең урология бүлеге мөдире һәм үзәк җитәкчесе Владимир Перчаткин сүзләре буенча, эндоскопик урология – перспективалы юнәлеш. «Без мәни бизенең аденомасын дәвалау белән бәйле мәсьәләләрне Түбән Новгородтан профессор Федор Севрюков җитәкчелегендә чишәргә планлаштырабыз һәм чишә башладык. Яңа япон җиһазында трансуретраль резекция һәм трансуретраль энуклеация буенча берничә операция ясалды инде», – дип В.Перчаткин сөйләде.

Бүлек мөдире трансуретраль резекция методикасы яңа түгел, ул илдә дә, Казанда да күптән эшләнә инде, дип билгеләде. Ләкин хәзерге заман җиһазын куллану кан югалту рискын киметергә рөхсәт итә, операция пациент өчен иң аз җәрәхәт белән уздырыла. Трансуретраль энуклеация методикасына килгәндә, ул шулай ук иң аз кан югалту белән һәртөрле зурлыктагы аденоманың мәсьәләсен чишәргә рөхсәт итә. Бу методика буенча операция беренче тапкыр Татарстанда нәкъ Эндоурология үзәгендә ясалды.

«Татар-информ» МА, Алсу Сафина

ФОТОРЕПОРТАЖНЫ КАРАУ Фоторепортаж

БАРЛЫК ЯҢАЛЫКЛАРНЫ УКУ