Казанда халыкара катнашу белән «Идел буе федераль округында педиатрия һәм балалар хирургиясе» дигән XII Россия конференциясе ачылды

Конференция программасына пленар утырышлар һәм чыгышлар гына түгел, катлаулы клиник очраклар турында фикер алышулар, белгечләр өчен  махсус мәктәпләр, әйдәүче экспертларның лекцияләре һәм мастер-класслары да керделәр. Форумның әһәмиятле гамәли мәгънәсе дә бар – ул табибларны өзлексез укытуга, экспертлар һәм төрле регионнарның белгечләре арасында тәҗрибә белән уртаклашуга булыша, фәнни тикшеренүләрнең нәтиҗәләрен гамәли сәламәтлек саклауга иң тиз урнаштыруны стимуллаштыра.