Атна эчендә Казанның ашыгыч ярдәм хезмәте 10 меңнән артык чакыру үтәде

2016 елның 26 декабреннән башлап 2017 елның 1 гыйнварына кадәр Казанның Ашыгыч медицина ярдәме станциясенә 10475 чакыру керде.  Җәмәгать урыннарына 1334 чакыру керде. Чакыруларның иң зур саны – 8603 – төрле авыруларга, шул санда 184 инсультка һәм 50 инфаркта туры килде. Бала табуларга ашыгыч медицина табиблары 99 тапкыр чыктылар.

Бәхетсезлек очракларына ашыгыч ярдәм 1153 тапкыр, шул санда ЮТҺ урыннарына 36 тапкыр чыкты. Шул ЮТҺдә 32 кеше зыян күрде, алардан 17 кеше дәвалау оешмаларына китерелде.

Янгыннарга узган атнада ашыгыч ярдәм медиклары 22 тапкыр чыкты, анда 3 кеше һәлак булды.

Узган атна белән чагыштырганда чакырулар саны 804кә артты (авырулар, бәхетсезлек очраклары һәм бала табулар исәбенә).   Чакырулар саны  инфарктлар буенча – 5кә, инсультлар  буенча – 4кә, бала табулар буенча – 15кә артты.  Чакырулар саны ЮТҺ буенча – 12гә, янгыннар буенча –  7гә  кимеде. Җәмәгать урыннарына чакырулар саны 103кә артты. 

Исегезгә төшерәбез,  «ашыгыч ярдәмгә» шәһәр телефоныннан «03» номерын җыеп шалтыратырга кирәк, ә кәрәзле телефоннан – «103»  (түләүсез). Әгәр шалтыратып булмый икән, тормышка куркыныч  янаган хәлләрдә «112» номеры буенча шалтыратырга мөмкин. Чукрак-телсез кешеләр SMS-хәбәрләр җибәрәләр. Авыру яисә зыян күргән кеше янына ашыгыч ярдәм бригадаларын  тиз итеп җибәрү өчен һәм үз вакытында медицина  ярдәмен  күрсәтү өчен чакыручы «03» номерында эшләүче фельдшер (диспетчер) биргән бөтен сорауларга аңлаешлы һәм төгәл итеп җавап бирергә тиеш. Чакыруның сәбәбен, урынын һәм адресын (шәһәрнең районын, урамын, квартира номерын, катын, подъезд номерын һәм кодын), ориентирларны, авыруның яисә зыян күргән кешенең фамилиясен, исемен, әтисенең исемен хәбәр итәргә кирәк. Фельдшер, бирелгән сорауларга тулы җаваплар алгач, чакыручыга «Сезнең чакыруыгыз кабул ителде» дип җавап бирсә, чакыруны кабул итү вакытын әйтсә һәм адресны кабатласа, чакыру кабул ителгән дип санала.