Түбән Каманың сәламәтлек саклау вәкилләре Яр Чаллыда «Дуслык сырхауханәсе» проектын кертү белән таныштылар

Бүген Түбән Кама муниципаль районы буенча Сәламәтлек саклау идарәсенең җитәкчесе Рәхимова В.Р., Түбән Кама муниципаль районы буенча Сәламәтлек саклау идарәсенең консультанты Бабурина Е.М., Түбән Кама үзәк район күп профильле хастаханәсенең баш табибы Әхмәдов Х.Б., оешманың сырхауханә эше буенча баш табибының урынбасары Мерясев С.Н., шулай ук хастаханәнең хезмәткәрләре Яр Чаллыда 6нчы номерлы шәһәр сырхауханәсенә килеп киттеләр. Анда алар «Дуслык сырхауханәсе - татарстан стандарты» пилот республика проектын тормышка ашыру белән таныштылар.