Казанда атна эчендә ашыгыч ярдәм хезмәтенә авырулар һәм бәхетсез очраклар буенча мөрәҗәгатьлар саны артты

2017 елның 14 августыннан башлап 20 августына кадәр Казанның Ашыгыч медицина ярдәме станциясенә 7379 чакыру керде.  Җәмәгать урыннарына 1466 чакыру керде. Чакыруларның иң зур саны – 5607– төрле авыруларга, шул санда 177 инсультка һәм 79 инфаркта туры килде.

Бала табуларга ашыгыч медицина табиблары 89 тапкыр чыктылар. Бәхетсезлек очракларына ашыгыч ярдәм 1110 тапкыр, шул санда ЮТҺ урыннарына 52 тапкыр чыкты. Шул ЮТҺдә 54 кеше зыян күрде. 38 кеше дәвалау оешмаларына китерелде, 1 кеше ЮТҺ нәтиҗәсендә вафат булды.

 Янгыннарга узган атнада ашыгыч ярдәм медиклары 25 тапкыр чыктылар.

Узган атна белән чагыштырганда чакырулар саны 138гә артты (авырулар һәм бәхетсез очраклары исәбенә).  

Чакырулар саны ЮТҺ буенча – 13кә, янгыннар буенча –  4кә артты. Шулай ук чакырулар саны инфарктлар буенча 24кә артты. Чакырулар саны бала табулар буенча 6га кимеде.  Җәмәгать урыннарына чакырулар саны 104кә артты.

Исегезгә төшерәбез,  «ашыгыч ярдәмгә» шәһәр телефоныннан «03» номерын җыеп шалтыратырга кирәк, ә кәрәзле телефоннан – «103»  (түләүсез). Әгәр шалтыратып булмый икән, тормышка куркыныч  янаган хәлләрдә «112» номеры буенча шалтыратырга мөмкин. Чукрак-телсез кешеләр SMS-хәбәрләр җибәрәләр. Авыру яисә зыян күргән кеше янына ашыгыч ярдәм бригадаларын  тиз итеп җибәрү өчен һәм үз вакытында медицина  ярдәмен  күрсәтү өчен чакыручы «03» номерында эшләүче фельдшер (диспетчер) биргән бөтен сорауларга аңлаешлы һәм төгәл итеп җавап бирергә тиеш. Чакыруның сәбәбен, урынын һәм адресын (шәһәрнең районын, урамын, квартира номерын, катын, подъезд номерын һәм кодын), ориентирларны, авыруның яисә зыян күргән кешенең фамилиясен, исемен, әтисенең исемен хәбәр итәргә кирәк. Фельдшер, бирелгән сорауларга тулы җаваплар алгач, чакыручыга «Сезнең чакыруыгыз кабул ителде» дип җавап бирсә, чакыруны кабул итү вакытын әйтсә һәм адресны кабатласа, чакыру кабул ителгән дип санала.