ЯҢАЛЫКЛАР
Чистай үзәк район хастаханәсендә командада нәтиҗәле эш буенча тренинг әйдәүче белгеч, психолог, бизнес-тренеры Татьяна Савельева җитәкчелегендә узды. Лидер сыйфатларын, эштә нәтиҗәле коммуникацияләрне, кечкенә пациентлар һәм аларның ата-аналары белән телдән булмаган аралашу күнекмәләрен эшкәртеп җиткерүгә юнәлгән тренингның бай эчтәлекле программасында балалар сырхауханәнең педиатр-табиблары һәм табиблары-белгечләре катнаштылар.
Балалар республика клиник хастаханәсендә дәваланучы балалар һәм «Роналд Макдоналд йорты» хәйрия кунакханәсендә торучылар өчен Туңдырма бәйрәме узды. Аниматор балаларның күңелен ачкан вакытта ата-аналар җитди патология һәм ашауда төрле мәсьәләләр булган балаларны дөрес ашату турында лекция тыңнадылар.
«Татарстан Республикасы өчен 50 иң яхшы инновацион фикер» дигән XIII конкурс җиңүчеләрен бүләкләү тантанасында Республика клиник хастаханәсе балалар травматология бүлегенең хезмәттәшләр коллективының «Балаларда бот сөягенең ярчыклы сынуын дәвалау өчен аппарат» дигән проекты «Ел патенты» номинациясендә билгеләнде.
Мастер-классның беренче көне барышында маммаро-таҗсыман шунтлау һәм таҗсыман артерияне стентлау белән «Миокардны гибрид аз инвазив реваскуляризацияләү» дигән күрсәтмә операция уздырылды. Икенче «Аорталь клапанны аз инвазив протезлау» дигән күрсәтмә операция шулай ук on-line тәртибендә узды.
2017 елның 11 декабреннән башлап 17 декабренә кадәр Казанның Ашыгыч медицина ярдәме станциясенә 8281 чакыру керде. Җәмәгать урыннарына 1278 чакыру керде. Чакыруларның иң зур саны – 6371– төрле авыруларга, шул санда 175 инсультка һәм 57 инфаркта туры килде.
Бүлек мөдире Рәмис Якубов җитәкчелегендә кардиохирурглар командасы йогышланган митраль клапанны бетерү һәм ясалма кан әйләнеше шартларында ясалма клапанны протезлау буенча пациентка мини-инвазив операция ясарга карар кабул итте.
Түбән Каманың перинаталь үзәге белән балалар шәһәр хастаханәсендә яңа туган балалар патологиясе бүлегенең капиталь ремонт ахырына якынлаша. Анда патология белән яңа туган нәниләргә югары профессиональ медицина ярдәмен яңа җиһазда һәм уңайлырак шартларда күрсәтәчәкләр.
Конкурс өч этапта узды. Конкурста катнашу өчен табиб хастаханәдә 5 елдан артыграк эшләргә тиеш. Хезмәт коллективы гомуми җыелышында конкурсантлар үз эшчәнлекләре турында статистик күрсәткечләрне кертеп хисаплар, шулай ук үз мәнфәгатьләре һәм мавыгулары турында эссе тәкъдим иттеләр.
2017 елның 23 декабрендә 9 сәгатьтә Республика наркологик диспансерда (Сеченова ур., 6, мансарда) эчкечелек һәм наркомания белән авыручыларның туганнары өчен ачык семинар узачак. Бөтен теләүчеләр бәйлелек вакытында психокоррекцион ярдәмнең нигезе бүлүчы психотерапевтик дәвалау алымнары белән таныша, шулай ук хроник стресслар, неврозлар, психосоматик авырулар профилактикасы турында бөтен кирәкле мәгълүмат ала алалар.
21нче номерлы шәһәр сырхауханәсенең яңа бинасына Идел буе һәм Урал федераль округлары буенча РФ атказан табибларының Регионара стратегик сессиясендә катнашучылар белән ТР сәламәтлек саклау министры Адел Вафин килеп китте. Адел Вафин һәм сырхауханә баш табибы Айрат Зиатдинов кунакларга медицина-тернәкләндерү бүлеген, хатын-кызлар консультациясен, ирләр сәламәтлеге үзәген һәм Республика клиник онкология диспансерының филиалын күрсәттеләр.