ЯҢАЛЫКЛАР
ТР ССМ Балалар Республика клиник хастаханәсенә, ТР сәламәтлек саклау министры Марат Садыйков, КДМУ ректоры Алексей Созинов, КДМА директоры Рөстәм Хәсәнов озатуында, Россия Федерациясе Сәламәтлек саклау министры урынбасары Татьяна Семенова килеп китте.
Баш табиб Айрат Зиатдинов җитәкчелегендәге клиниканың администрациясе кунакларны клиниканың структур бүлекчәләре: консультатив реанимация үзәге, ангиография, компьютер томографиясе, кардиохирургия бүлекләре, кардиохирургия һәм нейрохирургия операция блогы, яңа туган балаларны реанимацияләү бүлеге белән таныштырды.
Кунаклар шулай ук «Рональд Макдональд йорты» түләүсез кунакханәсен һәм БРКХ җирлегендә урнашкан КДМУның госпиталь педиатрия кафедрасына килеп киттеләр.
Татьяна Семенова клиниканың эш процессы оештырылуының югары дәрәҗәсен билгеләде һәм клиниканың хезмәткәрләренә киләчәк үсеш һәм һөнәри уңышлар теләде.
2019 елның 24 маеннан 7 июненә кадәр Казанда .Горький исемендәге ҮКһЯПда «Тире: ай пейзажы» фотокүргәзмәсе узачак. Күргәзмәнең төп максаты – псориаз кебек авыруларның проблематикасына җәмәгатьчелек игътибарын җәлеп итү, шулай ук аның иртә билгеләре һәм Казан шәһәре халкы арасында авыруны диагностикалауның мөһимлеге турында белемнәрне күтәрү. Фотокүргәзмә макросъемкадан файдаланып төзелгән пациентларның тиресенең аерым өлешләренең 10 рәсеменнән тәшкил итә.
20 майда конференция Казан һәм Санкт-Петербургтан лекторлар катнашуында беренчел буын табиблары (терапевтлар, онкологлар, хирурглар, урологлар, гинекологлар) өчен «ТР ССМ РКОД» ДАССУнең Әлмәт филиалында оештырылды. Очрашуда катнашучыларны Әлмәт онкодиспансерының баш табибы Сергей Карамаликов сәламләде.
20 майда Россиядә Меланоманы диагностикалау көне билгеләнә. Меланома – тирдәге миңнән үскән яман шеш. Бу яман шеш авыруы хәзер бөтен җирдә дә киң таралган. Кызганычка каршы, аңа төрле яшьтәге кешеләр тартыла. Хатын-кызлар әлеге авыру белән ир-атларга караганда ешрак очраша.
23-25 майда Казанда халыкара катнашуы белән «Авырту медицинасы: аңлаудан эш итүгә» XXV Россия фәнни-гамәли конференциясе узачак.
16 майда И. Н. Ульянов исемендәге Чуаш дәүләт университетының медицина факультетында «Вакансияләр ярминкәсе» узды. Мәктәпне тәмамлаучылар һәм ординаторлар белән очрашуга Чуваш Республикасыннан гына түгел, күрше регионнардан да медицина оешмаларының вәкилләре килгән иде.
13-17 май көннәрендә Түбән Кама бала тудыру йортында булачак әниләр өчен экскурсияләр марафоны узды. Аны үткәрү идеясе йөклеләрнең әлеге чараларга карата зур кызыксынуы аркасында барлыкка килде.
16-17 майда Казанда Россия Сәламәтлек саклау министрлыгының баш гастроэнтерологы, академик Владимир Трофимович Ивашкин катнашуында милли гастроэнтерологлар һәм гепатологлар мәктәбенең күчмә сессиясе узды. Мәктәпнең фәнни оештыручылары – КДМУның госпиталь терапиясе кафедрасы һәм РКХнең гастроэнтерология бүлеге. Докладлар белән профессор Диана Илдар кызы Габделганиева, Республика клиник хастаханәсенең гастроэнтерология бүлеге мөдире Әлфия Харис кызы Одинцова чыгыш ясадылар.
Түгәрәк өстәл артында ашкайнату органнары авыруларыннан үлүчеләр санын киметү, бавыр трансплантациясе белән авыручыларны дисциплинара алып бару мәсьәләләре, гастроэнтерология профилендәге пациентларга ярдәм күрсәтү сыйфатының критерийлары турында фикер алыштылар. Түгәрәк өстәл нәтиҗәләре буенча РФ ССМ баш гастроэнтерологы Ивашкин Владимир Трофимович 2019 елның октябрендә Мәскәүдә «гастроэнтерология» белгечлеге буенча аны РФ ССМ Эксперт Советында тәкъдим итү өчен карар проектын формалаштыруны йөкләде.
Мәктәп чикләрендә Россия Сәламәтлек саклау министрлыгының баш гастроэнтерологы, академик Владимир Трофимович Ивашкин белән ТР сәламәтлек саклау министры Марат Наил улы Садыйков очрашты. Әңгәмә барышында алар Татарстанның гастроэнтерология мәктәбен үстерүнең мөмкин булган стратегик юнәлешләре турында фикер алыштылар.
20 майда төрле локальләштерү һәм төрле характердагы травмалардан соң диагностика, дәвалау һәм реабилитация белән шөгыльләнүче табибның Бөтендөнья травматолог көне. Җитди травматик йогынтыларның күбесе терәк-хәрәкәт аппаратына, нерв һәм кан тамырлары системаларына кагылган, травматология нейрохирургия, ортопедия, кан тамырлары, септик һәм пешү хирургиясе белән тыгыз бәйләнгән.
Республика клиник хастаханәсенең Клиник иммунология үзәге җитәкчесе Алексей Лунцов Чебоксар шәһәрендә «Аллергологиянең һәм иммунологиянең актуаль мәсьәләләре» регионара фәнни-гамәли конференциясендә «Бронхиаль астма – тикшерүгә мөмкинлекләрне арттырабыз» дигән доклад белән чыгыш ясады.