ЯҢАЛЫКЛАР

5 декабрьдә 12.00 сәг. Корстон КСККда – Казанда «Минем яраткан балалар табибым» халык интернет-премиясе белән бүләкләү тантаналы церемониясе, XIII Россия «Идел буе федераль округында педиатрия һәм балалар хирургиясе» конгрессының пленар утырышыннан соң  булачак.

Россиянең репродуктив потенциалы: Казан укулары» дигән V Гомум Россия семинарының катнашучылары һәм кунаклары биология фәннәре докторы, профессор  Флавио Басари (Италия, Милан) башлыгында «Студенческая» 4нче номерлы шәһәр сырхауханәсенә килеп киттеләр.

Бөтендөнья СПИД белән көрәшү көненә багышланган чаралар чикләрендә Чистайда ВИЧ һәм СПИДның профилактикасына багышланган акция узды. Чистай үзәк район хастаханәсе медицина хезмәткәрләре һәм Чистай медицина училищесы волонтерлары-студентлары урамда йөрүче һәм урынлы сәүдә йортларындагы кешеләргә ВИЧ тапшыру юллары турында һәм йогышланудан ничек үзеңне саклау турында сөйләделәр.

Бөтендөнья СПИД белән көрәшү көнен Чирмешән районында уздыру чикләрендә Чирмешән үзәк район хастаханәсе белгечләре «Яшь Гвардия» активистлары белән бергә ВИЧ һәм СПИДның профилактикасы буенча акция уздырдылар.

Казан укулары – күп үрчемле һәм кыен мәсьәләләр турында фикер алышу өчен мөһим мәгълүматый мәйданчык. Аның чикләрендә белгечләр  тәҗрибә белән уртаклашырга, хәзерге заман акушерлыкның  һәм гинекологиянең яңалыклары һәм казанышлары турында белергә мөмкинлек алалар. Чараның шулай ук социаль әһәмияте бар, чөнки медицина ярдәме сыйфатын күтәрүгә  һәм аналыкны һәм балалыкны саклау хезмәтенең эшен яхшыртуга юнәлгән.

Оренбужье делегатлары – Оренбург өлкәсе дәвалау-прфилактик оешмаларының баш табиблары «Республика клиник хастаханәсе» ДАССОна һәм  «7нче номерлы Шәһәр клиник хастаханәсе» ДАССОна килеп киттеләр. Визит чикләрендә кунаклар кабул итү бүлегенең, операцияләр блогының, кардиохирургия, нейрохирургия, реанимация бүлекләренең эшен оештыру белән таныштылар.

ВИЧка түләүсез тестлау буенча акция Яр Чаллыда Бөтендөнья СПИД белән көрәшү көнен уздыру чикләрендә Яр Чаллы дәүләт педагогик университеты территориясендә узды.

Бүген Югары медицина технологияләренең белем бирү үзәге җирлегендә  шәхси һәм дәүләт медицина оешмаларының җитәкчеләре өчен беренче махсуслаштырылган «Исбатланган нәтиҗәлелек белән медицина маркетингы» темасына күнегү узды.

Татарстанда 11 ай эчендә ВИЧ-йогышы белән авырып китүләрнең 1130 яңа очрагы ачыкланды, ул 2015 елның  охшаш чорындагы саннан 4,5 процентка азрак. Моның турында бүген «Татмедиада» пресс-конференциядә ТР Сәламәтлек саклау министрлыгының Дәвалау һәм профилактик ярдәм идарәсе башлыгы Ирина Малышева белдерде.

Бөтендөнья Спид белән көрәшү көнен уздыру чикләрендә «Стоп, ВИЧ/СПИД» акциясе Чирмешән районында узды. Чирмешән үзәк район хастаханәсе белгечләре урынлы халыкка кешенең иммун системасына ВИЧ-йогышының йогынтысы турында, ВИЧ һәм СПИД профилактикасы һәм сәламәт яшәү рәвешенең әһәмиятен пропагандалау турында сөйләделәр. Акция барышында волонтерлар – Норлат аграр техникумы укучылары кызыл тасмалар – СПИД белән көрәшү билгесен, шундый акцияләрнең мәҗбүри атрибутын тараттылар.