Татарстан Республикасы Министрлыклары Татарстан Республикасы Сәламәтлек саклау министрлыгы

ЯҢАЛЫКЛАР

май, 2015 ел

шимбә

БРКХ белгечләре ЮТҺдә зыян күргән кешеләргә консультацияләр уздыру өчен Т.Новгородка очып чыктылар

23 майга Татарстан һәм Түбән Новгородның хастаханәләрендә 11 кеше калып тора, алар арасында 5 бала. «Н.А.Семашко исемендәге Нижегородская өлкә клиник хастаханәсе» ДАССОда 4 зыян күргән кеше урнашкан, 2 өлкән кеше стабиль авыр хәлдә – реанимация бүлегендә, 2 – уртача авыр хәлдә – катнаш травма бүлегендә. «Нижегородская өлкә Балалар клиник хастаханәсе» ДАССОда 5 бала урнашкан, алар арасында 3 стабиль авыр – реанимация бүлегендә, 2 уртача авыр хәлдә – 1 катнаш травма бүлегендә, 1 – нейрохирургия бүлегендә. 3 баланы ата-аналары алып киткәннәр. «Республика клиник хастаханәсе» ДАССОда, травматология бүлегендә 1 зыян күргән кеше урнашкан, 2 кеше чыгарылган. 22 майда бер зыян күргән кеше (автобус йөртүчесе) Кстов РҮХнән СИЗО карамагындагы медоешмага күчерелгән. Бүген бер зыян күргән кешегә Т.Новгородка МИ-8 санавиация вертолеты белән китерелгән БРКХ реанимация бүлегенең мөдире Закиров И.И һәм нейрохирургия бүлегенең мөдире Иванов В.С консультация уздырдылар.

Рөстәм Миңнеханов ТР Лаеш районы салаларының берсендә берничә социаль мөһим объектны ачты

Татарстанның Лаеш районы Каипы саласында Татарстан Республикасының Президенты вазыйфасын вакытлы башкаручы Рөстәм Миңнеханов бүген берничә социаль мөһим объектны ачты. Шулай итеп, тантаналы шартларда ТР янгын сакчыларының аерым постының янгын депосының яңа бинасы, сала клубы, «Россия Почтасы» бүлеге һәм кирәкле җиһазлар белән җиһазландырылган ФАП урнаштырылган күп функциональле үзәк ачылды. Сала клубын ачканда, Рөстәм Миңнеханов сала үзгәрде һәм яңа социаль мөһим объектлар белән тулыланды дип билгеләде. «Без салага аерым игътибар бирәбез, сала – илебезнең һәм республикабызның нигезе, чөнки анда торган кешеләр безнең үзенчәлелегебезне формалаштыралар һәм саклыйлар. Без киләчәктә дә салаларга булышлык күрсәтәчәкбез. Сезнең торак пунктыгыздагы үзгәрүләргә сезнең белән бергә шатланабыз», – дип әйтте Рөстәм Миңнеханов.

«Татар-Информ» МА.

май, 2015 ел

җомга

«Татнефть» ААҖ һәм Әлмәт шәһ. Медсанчастендә «Татнефть» компаниясенең акчаларына сатып алынган яңа җиһазның презентациясе булды

Хирургия бүлегенә лапароскрпик операцияләрне уздыру өчен интраоперацион кан югалтуны киметергә мөмкинлек бирә торган электрохирургия комплексы, холедохоскопия һәм үт юлларыннан литоэкстракция өчен холедохоскоп сатып алындылар. Моннан башка эндоскопик тыкшынулар вакытында «алмаштыргысыз ярдәмчеләр» булучы лапароскопик инструментлар: троакарлар, диссекторлар, «Г»-кыяфәтле кайчылар, инәтоткычлар, ретракторлар, клипаппликаторлар сатып алындылар. Бу җиһазның мөмкинлекләре һәм өстәнлекләре турында кунакларга хирургия бүлегенең мөдире, югары квалификация категориясе хирургы, ТР атказанган табибы Фидел Гюльалиев сөйләде.

Казанда Беренче Идел буе акушерлык һәм гинекология буенча конференция узды

Казанда акушер-гинекологик хезмәтнең иң мөһим чараларының берсе: «Гистероскопия һәм аналык эчендәге хирургия» дигән Беренче Идел буе конференциясе булды. Чара ЮМТ Белем бирү үзәгенең җирлегендә Республика клиник хастаханәсенең операция бүлмәсеннән видеотрансляция белән узды. Аналык эчендәге хирургия өлкәсендә Россия белгечләре үз тәҗрибәләрен эшкәртеп чыгарганнар һәм аны өйрәнү өчен чараны Казанда үткәрүне башлап җибәрделәр. Конференция Казанның, Татарстан Республикасының һәм Идел буе Федераль округының хатын-кызлар консультацияләре һәм медицина үзәкләре амбулатор буынының табибларын акушер–гинекологларын, стационарларның гинекологларын, табиб-урологларын һ.б. кызыксынган белгечләрен җыйды.

Вермонт Университетының Медицина мәктәбе профессорлары Рамин Ахмади һәм Маджид Садиг РКДҮнә килеп киттеләр

Бүген РКДҮнә Көнбатыш Коннектикутының Сәламәтлек саклау челтәренең медицина мәгарифе, фән һәм глобаль медицина җитәкчесе Рамин Ахмади һәм КДМУның докторы, хөрмәтле профессоры Маджид Садиг визит белән килеп киттеләр. Кунакларның икесе дә шулай ук Вермонт Университеты Медицина мәктәбенең (АКШ) профессорлары. Визит максаты – Казан дәүләт медицина университеты һәм шәһәрнең медицина үзәкләре белән хезмәттәшлек. Делегацияне КДМУ халыкара хезмәттәшлек бүлегенең башлыгы Марат Мухамедьяров озатып барды.

май, 2015 ел

пәнҗешәмбе

РКХнә Western Connecticut Health Network рәисе килеп китте

Республика клиник хастахәнәсенә Western Connecticut Health Network фәнни тикшеренүләр һәм сәламәтлек саклауның медицина оешмасының рәисе, медицина фәннәре докторы Ramin Ahmadi килеп китте. Кунакны озата бардылар: КДМУның укыту-производство нигезләре һәм клиник эш белән үзара йогынты ясау буенча проректор А.В.Шулаев, КДМУның халыкара хезмәттәшлек бүлегенең мөдире М.А.Мухамедьяров һәм КДМУның МС бүлегенең белгече Д.Ф.Нурхаметова.

Нижегородский өлкәсендә ике ЮТҺдә зыян күргән кеше Казанга китерелде

Нижегородский өлкәсе ГТХМның вертолеты ике зыян күргән кешене Казанга китерде. Республика һәлакәтләр медицинасы үзәге һәм санавиация бригадаларының көчләре белән зыян күргән кешеләрне РКХнең травмаүзәгенә күчерделәр. Исегезгә төшерәбез, ЮТҺ нәтиҗәсендә Нижегородский өлкәсендә 20 кеше (шул санда 10 бала) зыян күрде, алар арасында 3 кеше (шул санда бер бала) һәлак булды. ЮТҺ урынында НӨ «НТ ҺМҮ» ДБССОның 4 ашыгыч ярдәм бригадасы һәм НӨ «Кстовская РҮХ» ДБССОның 6 ашыгыч медицина ярдәме бригадасы эшләделәр. Нижегородский өлкәсендә ЮТҺдә зыян күргәннәрнең туганнары өчен кайнар элемтә телефонының (417-76-16) эше, килгән туганнар өчен кайнар ашау һәм урнаштыру оештырылды; алар өчен (Семашко исемендәге ӨКХнең пансионатында) тору урыннары хәзерләнде. БӨКХдә психологлар балалар белән һәм аларның туганнары белән дә эшлиләр.

«Балаларны уттан саклагыз!» дигән БРКХнең кечкенә пациентлары өчен Россиядә янгын сакчылары көненә бәйрәм чарасын оештырдылар

Чара хастаханәнең бөтен бүлекчәләрендә 12 майдан башлап 22нә кадәр узучы «Куркынычсыз балалык чоры» дигән ункөнлек чикләрендә уздырыла. Ункөнлекнең төп темасы – ул балаларның куркынычсыз яшәү шартларын, үсешен һәм ялын тәэмин итүнең, аларның сәламәтлеген травмалардан һәм авырулардан саклау кирәклеге турында ата-аналарга искәртмә. Моның өчен мөһим шарт – травматизмны кисәтү максаты белән куркынычсыз тирә-юньне оештыру һәм һәр баланы төп күнегүләргә һәм тәртипкә өйрәтү.

М.В.Ломоносов исемендәге МДУның делегациясе «Студенческая» сырхауханәсенә килеп китте

Бүген Казанның «Студенческая» сырхауханәсенә эш визиты белән проректор Виктор Трофимов башлыгында М.В.Ломоносов исемендәге МДУның делегациясе килеп китте. Делегация катнашучыларын Казан шәһ. студентларына медицина ярдәмен оештыру һәм оешманың структур бүлекчәләренең (регистратура, ашыгыч ярдәм блогы, иң яңа җиһазлар белән җиһазландырылган функциональ һәм нур диагностикасы кабинетлары белән торгызу-дәвалау бүлеге, көндезге стационар һәм башка бүлекләр) эше белән таныштырдылар. Виктор Трофимов шәһәребезнең студентлары өчен, аеруча тору урыныннан турыдан-туры якынлыкта югары дәрәҗәдәге медицина ярдәмен алырга мөмкинлекләре булган Казан федераль университетында укучылар өчен шатланды.

Нижегородский өлкәсендә ЮТҺдә зыян күргәннәр Татарстанга тапшырылачак

Нижегородский өлкәсендәге Кстовский районында ЮТҺ, автобус һәм йөк фурасы бәрелеше булды. ЮТҺ нәтиҗәсендә автобуста өч кеше, алар арсында бер бала һәлак булды. Автобус Казаннан Санкт-Петербургка каратэ буенча ярышларга 20 кешене алып барган. 17 кеше, алар арасында 9 бала, Нижегородский өлкәнең дәвалау оешмаларына урнаштырылган.

Моннан алдагы бит Алдагы бит

Датасы буенча тикшерү

ЯҢАЛЫКЛАРГА ЯЗЫЛУ