ЯҢАЛЫКЛАР
«Ак халатлы фәрештәләр – Ангелы в белых халатах» Медицина фестивале кысаларында Татарстан республикасының гомуми белем оешмаларында укучылар, шулай ук бөтен теләүчеләр КДМУ нормаль физиология кафедрасының профессоры, Экс-Марсель университеты тикшеренүләренең хөрмәтле директоры Петр Дмитрий улы Брежестовскийның ачык лекциясенә килеп китә алачаклар. Лекция темасы – «Безнең баш миебез ничек эшли?».
Түбән Кама муниципаль районы буенча Сәламәтлек саклау идарәсендә 2017 елда Түбән Кама районы туберкулезга каршы хезмәтенең эш йомгакларына һәм 2018 елга планнарына багышланган медицина советы узды.
2017 елда республика халыгын диспансерлаштыру нәтиҗәләре буенча (карап тикшерүне 582 854 кеше узды), йөрәк-кан тамырлары авыруларының үсеш рискына һәр унөченче диярлек татарстанлы дучар ителгән! Һәр җиденче кеше дөрес ашамый (13,6%), һәр унынчысы түбән физик активлыгы белән беррәттән (7,9%) тәннең кирәгеннән артык авырлыгына ия.
Татарстанда гражданнарның мәсьәләләре, шикаятьләре һәм тәкъдимнәре буенча «Халык контроле», Сәламәтлек саклау министрлыгының бердәм тәүлек буе эшли торган «кайнар элемтә» телефоны, шулай ук ТР Сәламәтлек саклау министрлыгы сайтының «Гражданнар мөрәҗәгатьләре» бүлегендә интернет- кабул итү бүлмәсе эшли.
Кама балалар медицина үзәге» ДАССУда отчет җыелышы булды. Анда 2017 елда учреждениенең эш йомгакларын ясадылар һәм агымдагы елга планнарны билгеләделәр.
Әлмәт районы буенча Сәламәтлек саклау идарәсендә 2017–2018 ел. эпидемик сезонларында грипп һәм көчле респиратор вирус йогышлары профилактикасы буенча чаралар турында сөйләделәр.
2018 елның 12 февраленнән башлап 15нә кадәр гадәттәгечә «Неврология атнасы Казанда-2018» Нейрофорумы кысаларында бу күренекле датага фәнни-гамәли чараларның тулы комплексы туры китерелгән. Шушы көннәрдә халыкара катнашуы белән IV Бөтенроссия «Бехтерев укулары-2018» фәнни-гамәли конференция, халыкара катнашуы белән II Бөтенроссия «Неврология киләчәге» дигән яшь галимнәрнең фәнни конференциясе булачаклар.
«Безгә яман шеш куркыныч түгел!» акциясе Казанның «Студенческая» сырхауханәсендә Бөтендөнья онкологик авырулары белән көрәш көне кысаларында узды. Сырхауханә табиблары казан студентларына үз-үзен тикшерү, авырулар барлыкка килү факторлары һәм зарарлы гадәтләрдән баш тарту кирәклеге турында сөйләделәр.
Казан дәүләт медицина университеты бер көн элек мәктәп укучылары һәм аларның ата-аналары белән очрашты. Очрашу ел саен була торган һөнәргә юнәлдерелгән чараның – «Ак халатлы фәрештәләр - Ангелы в белых халатах» Медицина фестивале чикләрендә узды. Очрашуга килгән балалар үз шәхес тибын билгеләргә, характерның көчле якларын һәм төрле эшчәнлек төрләренә карата күңел ятуларын белергә рөхсәт итүче һөнәргә юнәлдерелгән тест уза алдылар. Фәнни китапханәдә Гуго Глязерның «Драматик медицина» китабы буенча интерактив дәрес узды.
2018 елның 29нче гыйнварыннан башлап 4 февраленә кадәр Казанның Ашыгыч медицина ярдәме станциясенә 8228 чакыру керде. Җәмәгать урыннарына 962 чакыру керде. Чакыруларның иң зур саны – 6546– төрле авыруларга туры килде, шул санда 205 баш мие кан әйләнешенең көчле бозылулары һәм 54 инфаркт.